Şəhid, baş leytenant 26 yaşlı Mehdiyev Rəşid Rövşən oğlu ölümündən sonra "İgidliyə görə" medalı təltif edilib. Rəşid Mehdiyev 1990-cı ilin 26 iyul tarixində Salyan rayonunun Xələc kəndində anadan olub. Ailənin yeganə oğul övladı olan Mehdiyev Bakı Ali Ümumqoşun Komandirləri Məktəbini bitirib. O, 2016-cı ilin aprelin 5-i Azərbaycan-Ermənistan təmas xəttinin Tərtər rayonu istiqamətində gedən döyüşlər zamanı qəhrəmancasına şəhid oldu.
Vətən torpağı bizim üçün səcdəgahdır,toxunulmazdır,müqəddəsdir.Əsil vətəndaş odur ki,öz vətəninin azadlıq və istiqlaliyyəti uğrunda hər an canını , qanını verməyə hazırdır.Vətən uğrunda canından keçən qərəmanlar əbədi bir həyata qovuşur,öldükdən sonra şərəflə yad edirlər.
Страницы
- Əsas səhifə
- Azərbaycan Respublikası
- Azərbaycan Silahlı Qüvvələri
- Milli Qəhrəmanlarımız
- Qəhrəman qadınlar
- Foto 1988-1994
- Foto
- Video
- Şerlər
- 2-5 aprel 2016
- 31 Mart soyqırımı
- 20 Yanvar
- Qarabağ
- Ağdam
- Ağdərə
- Cəbrayıl
- Füzuli
- Kəlbəcər
- Laçın
- Qubadlı
- Şuşa
- Xocalı
- Xocavənd
- Zəngilan
- Təqvim
- Tovuz döyüşləri
- 27 Sentyabr 2020 - Qarabağ Azərbaycandır !
- İkinci Qarabağ muharibəsi Qəhrəmanları
- İkinci Qarabağ müharibəsi Şəhidlərimiz
- Foto - II Qarabağ müharibəsi
- Əlaqə
8 Aralık 2016 Perşembe
7 Aralık 2016 Çarşamba
İlham Əliyev ön xətdə yerləşən komanda idarəetmə məntəqəsində əməliyyat şəraiti ilə tanış olub
Ön xətdə yerləşən komanda idarəetmə məntəqəsində əməliyyat şəraiti ilə tanışlıq zamanı İlham Əliyevin nitqi
Bu ilin aprel ayında Ermənistan dövlətimizə, xalqımıza qarşı növbəti silahlı təxribat törətmişdir. Qəhrəman Azərbaycan Ordusu - xalqımızın əsgər və zabitləri bu təxribata layiqli cavab vermişdir. Uğurlu əks-hücum əməliyyatı keçirərək düşmənə sarsıdıcı zərbələr vurmuşdur və Azərbaycanın işğal altında olan torpaqlarının bir hissəsi azad edilmişdir.
Bu gün biz Lələtəpə ərazisindəyik. Hələ bir neçə ay bundan əvvəl bu ərazi işğal altında idi. Biz bu işğala son qoyduq. Füzuli, Cəbrayıl və Ağdərə rayonlarının ərazilərində işğal altında olan 2000 hektardan çox torpaq uğurlu əks-hücum əməliyyatı nəticəsində işğalçılardan azad edilmişdir. Minlərlə hektar torpağa bu gün Azərbaycan Ordusu tam nəzarət edir.
Onu da qeyd etməliyəm ki, əks-hücum əməliyyatımız əlverişsiz mövqelərdən başlamışdır. Biz yüksəklikləri, təpələri işğalçılardan azad etmişik və böyük qəhrəmanlıq göstərmişik. Aprel döyüşləri hərbi dərsliklərə salınmalıdır. Azərbaycan Ordusu bu döyüşlərdə peşəkarlıq, qəhrəmanlıq, məharət göstərmişdir. Biz şəhidlər verdik, Allah bütün şəhidlərimizə rəhmət eləsin. Yaralı əsgərlərimiz, zabitlərimiz olubdur. Mən Hərbi Hospitalda yaralı əsgər və zabitlərimizlə görüş zamanı onlarda ruh yüksəkliyi gördüm. Onların bir arzusu var idi - tezliklə sağalmaq və döyüş bölgələrinə qayıtmaq.
Bu, bir daha onu göstərir ki, Azərbaycan xalqı böyük xalqdır, Azərbaycan vətəndaşları vətənpərvər vətəndaşlardır. Bizim əsgərlərimiz, zabitlərimiz Vətən uğrunda, torpaq uğrunda ölümə getməyə hazırdırlar. Aprel döyüşləri bizim şanlı qələbəmizdir. Azərbaycan Ordusu öz gücünü göstərdi. Ermənistan uzun illər öz ordusu haqqında yalanlar, miflər uydururdu. Guya onların yenilməz ordusu var. Aprel döyüşləri göstərdi ki, hansı ordu yenilməzdir. Azərbaycan Ordusu yenilməz ordudur. Azərbaycan Ordusu istənilən vəzifəni icra etməyə qadirdir. İşğal edilmiş torpaqlarda, Dağlıq Qarabağda elə bir hərbi hədəf yoxdur ki, bu gün biz onu məhv edə bilməyək. Bu gün Azərbaycan Ordusu güclü ordular sırasındadır. Bunu biz bilirik, Azərbaycan xalqı bilir və bütün dünya bilir. Güclü orduların reytinqlərində Azərbaycan Ordusunun çox yüksək yeri vardır. Ordumuzun döyüş qabiliyyəti yüksək səviyyədədir, günbəgün artır.
Ordumuzda nizam-intizam hökm sürür. Ordumuzun maddi-texniki təminatı ən yüksək səviyyədədir. Biz son illər ərzində milyardlarla dollar dəyərində ən müasir silah-sursat, hərbi texnika almışıq. O texnikalar ən son texnologiyaya malikdir. Aprel döyüşləri bunu bir daha göstərdi. Aprel döyüşlərindən sonra ordumuzun maddi-texniki təminatı ilə bağlı əlavə tədbirlər görülür, vəsait ayrılıb, ən müasir, yüksək dağıdıcı qüvvəyə və dəqiqliyə malik olan silahlar, texnika alınır və artıq bizim sərəncamımızdadır.
Ordumuzun döyüş qabiliyyəti ilə bərabər, vətənpərvərlik ruhu da yüksəkdir. Biz öz torpağımızdayıq, bura Azərbaycandır. Lələtəpə də Azərbaycandır, Şuşa da Azərbaycandır, Xankəndi də Azərbaycandır. Biz öz torpağımızdayıq. Heç bir ölkənin torpağında gözümüz yoxdur. Ancaq biz öz torpağımızda ikinci erməni dövlətinin yaranmasına heç vaxt imkan verməyəcəyik. Aprel döyüşləri bunu bir daha sübut etdi.
1994-cü ilin yanvar ayında Füzuli rayonunda uğurlu əməliyyat keçirilmişdir, 22 kənd işğalçılardan azad edilmişdir. Bu, böyük tarixi qələbə idi. Aprel döyüşləri növbəti tarixi qələbədir. Dünya bir daha gördü ki, Azərbaycan Ermənistanın işğalçılıq siyasəti ilə heç vaxt barışmayacaq. Biz öz ərazi bütövlüyümüzü bərpa etməliyik və edəcəyik. Bu, bizim əzəli torpağımızdır, tarixi torpağımızdır və biz bu gün hələ də işğal altında olan bütün torpaqlarımıza qayıdacağıq.
Lələtəpə əməliyyatı bizim qəhrəmanlıq rəmzimizdir. Lələtəpə tarixə düşdü. Əgər erməni silahlı qüvvələri aprel döyüşlərindən düzgün nəticə çıxarmasalar, gələcəkdə Lələtəpə əməliyyatı kimi bir çox uğurlu əməliyyatlar olacaqdır. Ermənistanın siyasi rəhbərliyi, nəhayət, dərk etməlidir ki, işğalçılıq hərəkətləri onları uçuruma aparır. Azərbaycan gündən-günə güclənir, möhkəmlənir. Bizim güclü potensialımız və güclü Ordumuz var. Biz Ordumuzla, əsgər və zabitlərimizlə, sizinlə - bax, burada düşmənlə üz-üzə dayanan oğullarımızla fəxr edirik. Sizə eşq olsun! Azərbaycan inkişaf edəcək və biz ərazi bütövlüyümüzü bərpa edəcəyik! Sağ olun.
12 noyabr 2016
Mənbə: http://president.az/articles/21707
Axundov Sənan Tahir oğlu
Aprel hadisələrinin şəhid polkovnik-leytenantı Axundov Sənan Tahir oğlu
Axundov Sənan Tahir oğlu 29 sentyabr 1979-cu il tarixdə Füzuli rayonunda anadan olub. --Bakı şəhər 144 saylı tam orta məktəbi bitirib.(1997-ci ildə) --Bakı Ali Hərbi Məktəbi (2001), Almaniyada Hərbi Akademiyanı-alman dilində(2005), Bakı Dövlət Universitetinin hüquq fakültəsini (2009) bitirmişdir. Azərbaycan Respublikası Müdafiə Nazirliyi sistemində əmək fəaliyyətinə başlamış və Müdafiə Nazirliyində sektor müdiri vəzifəsinədək bir həyat yolu keçmişdir. Aprel hadisələrində böyük həvəs və ruh yüksəkliyi ilə doğulub boya-başa çatdığı Füzuli bölgəsinə getmiş və Lələtəpədə vəzifə salahiyyətlərinin icrası zamanı çiyindaşını ölümün pəncəsindən xilas edərək özü qəhrəmancasına həlak olmuşdur.
Müdafiə Nazirliyi sistemində işlədiyi müddətdə şəhid Sənan Axundovun fədəkar əməyi orden- medallar və fəxri fərmanlara layiq görülmüşdür. Ailənin tək oğul övladı, peşəkar hərbiçi Sənan Axundov 19 aprel 2016-cı il tarixdə Beyləqan rayonu ərazisindəki İbadətgahımız--Həzrəti Cərciz Peyğəmbərdə dəfn olunmuşdur. Allah rəhmət eləsin!
Müdafiə Nazirliyi sistemində işlədiyi müddətdə şəhid Sənan Axundovun fədəkar əməyi orden- medallar və fəxri fərmanlara layiq görülmüşdür. Ailənin tək oğul övladı, peşəkar hərbiçi Sənan Axundov 19 aprel 2016-cı il tarixdə Beyləqan rayonu ərazisindəki İbadətgahımız--Həzrəti Cərciz Peyğəmbərdə dəfn olunmuşdur. Allah rəhmət eləsin!
6 Aralık 2016 Salı
Əliyev Aqil Müzəffər oğlu
Əliyev Aqil
Müzəffər oğlu 30 .07.1982 ci ildə Beyləqan rayonunda anadan olub.1988-1999 cu
illərdə Beyləqan səhər 2 nömrəli Fərman Haciyev adına məktəbdə orta
tehsilini almisdir.
Aqil 2000 ci
ildə hərbi xidmətə çağrilib.Xidməti zamanı məzuniyyət verilsə də evə gəlməyib.İsrarla Vətənimə borcumu verim , bir dəfəlik gedərəm
deyib. Aqil 17.06 .2001ci ildə Ağdam bölgəsində xidməti döyüş tapşırığını yerinə
yetirərkən şəhid
olub.
İnformasiya bloga şəhidin qardaşı Əliyev Azər Müzəffər oğlu tərəfindən verilib.
Allah rəhmət eləsin!
İnformasiya bloga şəhidin qardaşı Əliyev Azər Müzəffər oğlu tərəfindən verilib.
Mollayev Abdulla Molla oğlu
2015-ci ilin dekabrın 6-da Tərtərdə düşmənin Azərbaycan Silahlı Qüvvələrinin bölmələrinin mövqelərinə basqını zamanı şəhid olan baş leytenant Mollayev Abdulla Molla oğlu medalı ailəsinə təqdim edilib.APA-nın Şəki-Zaqatala bürosunun məlumatına görə, 1988-ci il təvəllüdlü şəhidin medalı Qaxda 2 yaşlı oğluna verilib.
5 Aralık 2016 Pazartesi
İmanov Samid Gülağa oğlu
Mayor İmanov Samid Gülağa oğlu - həyatı və şəhid olması. Qəhrəman kimi yaşadı, qəhrəman kimi şəhid oldu. 1981-ci ildə Neftcala rayonunun Sovetabad qəsəbəsində dünyaya göz açıb. 1998-ci ildə Neftçala rayonunun 1 saylı orta məktəbini bitirərək həmin il Ali Hərbi Məktəbə daxil olub. 2003-ci ildə Ali Hərbi Məktəbi fərqlənmə diplomu ilə bitirib. Türkiyə Cümruhiyyətində "Daxili təhlükəsizlik əməliyyatlarının planlaşdırılması və icrası", "Komando təlimi və paraşütdən sərbəst atlamaq" kurslarında, habelə "Anadolu-2007", "Anadolu Qartalı -2007" birgə taktiki təlimlərində, Pakistanda "Ləpirçi və antiterrorist" kurslarında, İsveçrə krallığında "Dağ təlimi" kursunda, Rumuniya Respublikasında "Dağa dırmanma üzrə təlimatçı kursunda iştirak edib. 2004-cü ilin iyun ayından xüsusi təyinatlı hərbi hissədə qrup komandirinin muavini, qrup komandiri, bölük komandiri, dəstə komandiri və hərbi hissənin qərargah rəisi-hərbi hissə komandirinin müavini vəzifələrində çalışıb. Xidməti müddətində 6 medalla təltif olunan az saylı hərbçilərdən olub. "Genştab"da son kursda oxuyurdu (general olmağa real namizədlərdən idi). Bundan başqa bir müddət Zakir Həsənovun mühafizə xidmətinin rəisi olub, daha sonra öz istəyi ilə yenidən xüsusi təyinatlı hərbi hissəyə qayıdıb, hərbi hissənin qərargah rəisi və xüsusi təyinatlı qoşunun komandanının köməkçisi vəzifəsini icra edib. Mayor Samid İmanovun başçılıq etdiyi dəstələr onun yüksək komandirlik bacarığının sayəsində düşmənə ağır zərbələr vurmuşdular, dəfələrlə düşmənin arxasına kecmiş, komandanlığa çox vacib materiallar çatdırmışdılar. Qeyd etdiyim kimi o, 6 medala layiq görülüb, silahlı qüvvələrimizin ən bacaraqlı zabitlərindən biri olub. 2014-ci il avqust ayında erməni təxribatının qarşısını almaq ücün Samidin dəstəsi əməliyyat kecirmiş, 20-yə yaxın ermənini məhv edərək geriyə qayıtmışdılar. 2016-ci ilin aprelin 3-dən 4-nə keçən gecə ömrünü vətənə, millətinə həsr etmiş dağlar qartalı zabitimizin son döyüşü olub. Samid və komandiri polkovnik-leytenant Murad Mirzəyevin (şəhid olub) başcılıq etdiyi qruplar düşmən təxribatlarının qarşısının almaq üçün komandanlığın əmrinə əsasən Talış yüksəkliklərindəki erməni postlarını darmadağın ediblər, 100-ə yaxın erməni əsgəri sıradan çıxarılıb. Atışmada qəhrəman zabitimiz çiynindən və ayağından yararalanıb. Samid bu gün yaşıya bilərdi bəlkə də, onda yüksək zabit və komandirlik qüruru olmasaydı. Atışmada yaralanan cəsur komandir əsgərlərinin onu döyüş meydanından cıxarmasına etiraz edib, yaralı gizirin çıxarılmasını əmr edib. Əsgərlərinin etirazına baxmayaraq əmrin icra edilməsi ücün qəti göstəriş verib. Ərazidən uzaqlaşan qrup təhlükəli olmasına baxmayaraq tez zamanda yenidən ora qayıdıb, amma komandiri yerində tapa bilməyiblər. Gecədən səhərə qədər axtarışlar nəticə verməyib. Buna baxmayaraq cəsur komandirin cəsur əsgərləri həyatlarını riskə ataraq günün-günorta cağı, döyüş gedə-gedə ərazini yenidən axtarıblar və bir kolluqda komandirin cansız bədəni ilə qarşılaşıblar. Cəsur komandir mayor Samid İmanov əsgərləri ərazidən uzaqlaşandan sonra ələ keçməmək ücün özü də ordan uzaqlaşıb. Bir kolluqda maskalanıb, aldığı yaralardan qan axması olduğu üçün onu yuxu aparıb. Uzanaraq yatıb, vətəni, milləti üçün gözlərini birdəfəlik yumub. Qarabağın erməni işğalçılarından azad olunması uğrunda aparılan hərbi əməliyyatlarda Milli Ordunun qəhrəmancasına şəhid olmuş mayoru İmanov Samit Gülağa oğlu Neftçaladakı Şəhidlər Xiyabanında torpağa tapşırılıb
Vəlizadə Urfan Üzeyir oğlu
Vəlizadə Urfan Üzeyir oğlu - Mayor, Milli Ordunun zabiti, Dördgünlük müharibədə vurulan Mİ-24 helikopterinin pilotu.
O, 1978-ci il noyabrın 1-də Bakıda dünyaya gəlib. Məktəbi bitirən kimi Türk Hava Hərb Məktəbinə daxil olur. 5 il orda təhsil aldıqdan sonra 2001-ci ildə Azərbaycanda xidmətə başlayır.
Ali təhsilini bir sıra xarici ölkələrdə alan Urfan Vəlizadə 25 il hərbi pilot kimi çalışıb.
Aprelin 2-də Füzuli istiqamətində ikinci dəfə havaya qalxan Mİ-24 vertolyotu vurulur. Vurulan zaman bortda 3 pilot olub: mayor Təbriz Musazadə, mayor Urfan Vəlizadə və Əbubəkir İsmayılov.
Mayorlar - Təbriz Musazadə və Urfan Vəlizadə yaxın dost və qohum olublar. həmişə birgə olan dostlar birgə də getdilər dünyadan...
Urfan Vəlizadə 11 aprel 2016-cı ildə Bakı şəhərindəki II Fəxri Xiyabanda dəfn olunub.
4 Aralık 2016 Pazar
Şəhid Fərid Gülağa oğlu Əhmədov
Əhmədov Fərid Gülağa oğlu — Azərbaycan zabiti, "İgidliyə görə" medalı ilə təltif edilib (ölümündən sonra).
Fərid Əhmədov 1986-cı il yanvarın 19-da Cəlilabad rayonunda anadan olub. 2003-cü ildə Cəlilabad şəhərində Nizami adına 1 saylı orta məktəbi bitirib. Həmin il Heydər Əliyev adına Ali Hərbi Məktəbə daxil olub. 2007-ci ildə oranı leytenant rütbəsi ilə bitirib. 2007-2008-ci illərdə Təlim-Tədris Mərkəzində təkmilləşdirmə kursu keçib. 2008-2009-cu illərdə Gəncədə zabit kimi hərbi xidmət keçib.
2010-cu il sentyabrın 3-dən 4-nə keçən gecə Tərtərin Çiləbürt kəndi yaxınlığındakı döyüşdə şəhid olub. Birbaşa döyüş xəttində həlak olduğu üçün Fərid Əhmədovun meyiti düşmən tərəfdə qalıb və yalnız noyabrın 6-da Ermənistan və Azərbaycan tərəflərinin razılaşmaları nəticəsində qaytarılıb.
2010-cu il noyabrın 7-də Prezident İlham Əliyev baş leytenant Fərid Gülağa oğlu Əhmədovun "İgidliyə görə" medalı ilə təltif edilməsi (ölümündən sonra) haqqında sərəncam imzalayıb. Sərəncama əsasən, şəhid Fərid Əhmədov bu medala hərbi borcunu həyatı təhlükə altında yerinə yetirərkən igidlik göstərdiyinə görə layiq görülüb
2014-cü ilin yanvar ayında şəhid Fərid Əhmədovun ömür yoluna həsr olunmuş "Hay ver mənə, leytenant" filminin təqdimat mərasimi keçirilib
1 Aralık 2016 Perşembe
Səxavət Məhərrəmov - 05/12/1973
Səxavət Məhərrəmov — Azərbaycanın Milli Qəhrəmanı; Qarabağ müharibəsi şəhidi.
5 dekabr 1973-cü ildə Qərbi Azərbaycanın Ağbaba mahalının Amasiya rayonunun Qaraçanta kəndində anadan olmuşdur. 1988-ci illərdə erməni faşistləri Azərbaycanlıları buradan deportasiya edərkən onun ailəsi Gürcüstana köçmüş daha sonra isə Lökbatan qəsəbəsində məskunlaşmışlar. Səxavət 1990-cı ildə burada 106 saylı məktəbi bitirir. Milli Azadlıq Hərəkatının fəal üzvlərindən biri olur. O, şer yazardı, musiqiyə, şerə həvəsi sonsuz idi.
Döyüşlərdə iştirakı
1992-ci il 27 iyun Ağdərənin Kiçik
Qarabəy (keçmiş Möhrətağ) kəndi uğrunda qanlı döyüşlər gedirdi onlarla
erməni yarqlısı məhv edildikdən sonra bölmə geri dönərkən meşədə mühasirəyə
düşür, Səxavət 19 yaşında canından əziz tutduğu vətən uğrunda qəhrəmancasına
həlak oldu.
Subay idi.
Milli Qəhrəman
Azərbaycan Respublikası prezidentinin 6 noyabr 1992-ci il tarixli 290 saylı fərmanı ilə Məhərrəmov
Səxavət Ələmdar oğluna ölümündən sonra "Azərbaycanın Milli Qəhrəmanı"
adına layiq görülmüşdür.
Bakı şəhərinin Şəhidlər
xiyabanında dəfn edilib.
Lökbatan qəsəbəsindəki 106 saylı məktəbə qəhrəmanımızın
adı verilib, burada büstü qoyulub.
Polkovnik Vəlişov Qadir Saday oğlu
Canlı Efsanə Qəhraman!!!
Polkovnik Vəlişov Qadir Saday oğlu
Polkovnik Vəlişov Qadir Saday oğlu
Polkovnik Vəlişov Əfqanıstan,1-ci Qarabağ müharibəsinin və aprel döyüşlərinin iştirakçısıdır
Hər üç müharibədə ağır yaralanmasına baxmayaraq bu gündə vətənimizə canla-başla xidmət edir
Polkovnikin ilk döyüş yolu sovet ordusunun tərkibində Əfqanıstan müharibəsindən başlamışdır
90-ci illərin əvvəlində Azərbaycan dövlətinin cətin günlərində ilk vətənimizə gələn zabitlərdən olan Vəlişov,vətənin dar günündə Cəbrayılda xidmətə başlamış könüllülərdən yığılmış Cəbrayıl alayının komandiri olaraq alayın təşkilində müstəsna xidmətləri olmuş,Füzuli uğrunda gedən döyüşlərdə ağır yaralanmış 1ilə yaxın müalicə almış yenidən xidmətə qayıtmışdır
Aprel döyüşlərində N saylı hərbi hissənin komandiri olaraq döyüşlərə qatılmış ,komandirlik etdiyi dəstə ilə Spike LR ilə düşmənin 12tankın,xeylim texnikasın sıradan cıxarmış,aprelin 5də səhər saatlarında Talış kəndində düşmənin snayper atəşi və minamyot partlayışı nəticəsində ağır yaralanmışdır.
Dəfələrlə aldığı yaralara baxmayaraq yenidən ayağa qalxan Polkovnik Vəlişov bu gündə vətənimizin keşiyindədir
Hər üç müharibədə ağır yaralanmasına baxmayaraq bu gündə vətənimizə canla-başla xidmət edir
Polkovnikin ilk döyüş yolu sovet ordusunun tərkibində Əfqanıstan müharibəsindən başlamışdır
90-ci illərin əvvəlində Azərbaycan dövlətinin cətin günlərində ilk vətənimizə gələn zabitlərdən olan Vəlişov,vətənin dar günündə Cəbrayılda xidmətə başlamış könüllülərdən yığılmış Cəbrayıl alayının komandiri olaraq alayın təşkilində müstəsna xidmətləri olmuş,Füzuli uğrunda gedən döyüşlərdə ağır yaralanmış 1ilə yaxın müalicə almış yenidən xidmətə qayıtmışdır
Aprel döyüşlərində N saylı hərbi hissənin komandiri olaraq döyüşlərə qatılmış ,komandirlik etdiyi dəstə ilə Spike LR ilə düşmənin 12tankın,xeylim texnikasın sıradan cıxarmış,aprelin 5də səhər saatlarında Talış kəndində düşmənin snayper atəşi və minamyot partlayışı nəticəsində ağır yaralanmışdır.
Dəfələrlə aldığı yaralara baxmayaraq yenidən ayağa qalxan Polkovnik Vəlişov bu gündə vətənimizin keşiyindədir
Mənbə: https://www.facebook.com/Herbi.Xeberler/
02/12/1969 - Yusif Əliyev
Yusif
Əliyev — Azərbaycanın Milli Qəhrəmanı; Qarabağ müharibəsi şəhidi.
2 dekabr 1969-cu ildə Bakının Qobustan qəsəbəsində
anadan olmuşdur. Qəsəbədəki 223 saylı orta məktəbi bitirmişdir. 1988-ci ildə ordu sıralarına çağırılmış, hərbi xidmətini Sverdlovsk şəhər
piyada qoşun hissəsində çəkmişdir.
Yusif Əliyev 1991-ci ilin fevralında Yusif Əliyev Goranboyda ilk döyüş
sınağından çıxır. Silahlı erməni quldurları Buzluq, Mənəşli, Erkəç kəndləri tərəfdən basqınlar edirdilər. Lakin 24
fevralda Mənəşli kəndinə
hücum edildikdə ermənilər pərən-pərən düşdülər. 1991-ci il 14 sentyabrda düşmən Buzluq kəndinə
hücum etdikdə əsgərlərimizə sursat çatdırmaq Yusifin ölümü bahasına başa gəlir.
Azərbaycan Respublikası
prezidentinin 6 iyun 1992-ci
il tarixli 831 saylı fərmanı ilə Əliyev Yusif Əliyusif oğluna ölümündən sonra
"Azərbaycanın Milli Qəhrəmanı" adına layiq görülmüşdür.
Ağsu
rayonunun Rəhimli kəndində dəfn edilmişdir.
Qobustan qəsəbəsindəki
195 saylı orta məktəb qəhrəmanın adını daşıyır. Məktəbdə büstü qoyulmuşdur.
Ailəli idi.
03/12/1953- Şikarov Şikar Şükür
Şikarov Şikar Şükür oğlu — Azərbaycanın Milli Qəhrəmanı; Qarabağ müharibəsi şəhidi.
1953-cü il dekabr ayının
3-də Bakı şəhərində anadan olmuşdur. 1971-ci ildə Bakı şəhərindəki 46 saylı
orta məktəbi bitirmişdir. Elə həmin il SSRİ Müdafiə Nazirliyinun Bakı Ali
Ümumqoşun Komandirləri Məktəbinə daxil olmuşdur. 1975-ci ildə təhsilini başa
vuraraq, təyinatla Primorsk vilayətindəki hərbi hissələrin birində rota
komandiri kimi fəaliyyətə başlamışdır.
1986-cı ildə SSRİ
Müdafiə Nazirliyinun Frunze adına Hərbi Akademiyasına daxil olmuş, 1989-cu ildə
oranı bitirdikdən sonra podpolkovnik rütbəsində Ukraynanın Luqansk şəhərində
yerləşən hərbi hissələrdən birinə qərargah rəisi təyin edilmişdir.
1990-cı il 20 yanvar
hadisələrindən sonra Vətənə qayıtmışır. Əvvəl Mülki Müdafiə Baş Qərargahında
əməliyyat şöbəsinin rəisi, 1992-ci ildə isə Azərbaycan Respublikası Silahlı
Qüvvələrinin Baş Qərargahı rəisinin birinci müavini təyin edilmişdir. 1992-ci
ildə Goranboy rayonunda əməliyyatlara bilavasitə rəhbərlik etmiş, uğurlu
əməliyyatlar keçirmişdir.
1992-ci il iyunun 13-də
Ağdərəyə uğrunda gedən ağır döyüşlərin birində qəhrəmancasına həlak olmuşdur.
Azərbaycan Respublikası
Prezidentinin 1992-ci il 23 iyun tarixli, 6 saylı fərmanı ilə polkonik Şikarov
Şikar Şükür oğluna ölümündən sonra "Azərbaycanın Milli Qəhrəmanı"
fəxri adı verilmişdir. Ailəli idi. İki övladı yadigar qalıb. Bakı şəhərinin
Şəhidlər xiyabanında dəfn edilmişdir. Qobustan rayonundakı Sündü kənd orta məktəbi onun adını daşıyır
(əslən həmin kənddəndir).
02/12/1953 - Ənvər Talış oğlu Arazov
Ənvər
Talış oğlu Arazov — Azərbaycanın Milli Qəhrəmanı; Qarabağ müharibəsi şəhidi.
1953-cü il 2 dekabrda Gəncə
şəhərində anadan olmuşdu. Həmin şəhərdəki 15 nömrəli orta məktəbin
səkkizinci sinfini bitirmişdi. Sonra texniki peşə məktəbində oxumuşdu. Bir
müddət əmək fəaliyyəti ilə məşğul olduqdan sonra Gəncə Politexnik Texnikumuna
daxil olmuşdu.1974-cü ildə hərbi
xidmətə çağırılan Ənvər Murmansk vilayətində Şimal Hərbi Dəniz Donanmasında
xidmət etmişdi. Hərbi xidmətini başa çatdırdıqdan sonra Gəncəyə dönmüş,
Büllur Zavodunda işləməyə başlamışdı. Ə.Arazov, eyni zamanda yarımçıq qalmış
təhsilini davam etdirərək, 1980-ci ildə texnikumu müvəffəqiyyətlə bitirmiş,
zavodda əvvəlcə nizamlayıcı, sonra növbə ustası kimi çalışmağa başlamışdı.
Döyüşlərdə iştirakı
Ənvər 1988-ci ildə ermənilər Dağlıq
Qarabağ ərazisində müharıbəyə başlayarkən Daxili İşlər Nazirliyində işə
qəbul olunaraq cəbhəyə yollanmışdı. 1989-cu ildə Çaykəndin alınması
uğrunda gedən döyüşlərdə iştirak edib. 1992-ci ildə Gəncədə Milli
Müdafiə Qərargahının müdirinin II müavini olub. 1992-ci ilin avqustunda Tərtərdə alay
komandiri təyin olunub. Göstərdiyi sücaətlərə görə ona polkovnik rütbəsi
verilib.
Ağdərə rayonunda bir çox uğurlu əməliyyatlarda iştirak etmişdi.1992-ci il noyabrın 1-dən 2-nə keçən gecə Ağdam rayonunun Sırxavənd kəndində erməni quldurları ilə qeyri-bərabər
döyüşə girərək, mərdliklə həlak olub.
Ailəsi
Ailəli idi. Bir oğul, bir qızı yadigar qalıb.
Milli Qəhrəman
Azərbaycan Respublikası Prezidentinin 6 noyabr 1992-ci il tarixli 290 nömrəli Fərmanı ilə Arazov
Ənvər Talış oğlu ölümündən sonra Azərbaycanın Milli Qəhrəmanı adına layiq
görülüb.
Gəncə şəhərində Şəhidlər xiyabanında dəfn olunub.
Kaydol:
Kayıtlar (Atom)