Şəhid Həsənov Təbriz Bəxtiyar oğlu 1996-cı il 27 yanvar - 23 aprel 2016-cı il

             Həsənov Təbriz 1996-cı il 27 yanvar tarixində Hacıqabul rayonu Qızılburun kəndində anadan olub.2002-ci ildə Seyfulla Məmmədov adına 110 saylı tam orta məktəbin I sinfinə daxil olub. 2011-ci ildə həmin məktəbin IX sinfini müvəffəqiyyətlə bitirib. Neft və Energetika kollecinə yüksək balla qəbul olunub. 2015-ci ildə isə kolleci bitirərək iyulun 1-i tarixində Gəncə şəhərində hərbi xidmətə yola düşüb. Həmin ilin oktyabr ayında isə Ağdam rayonunun Sarıcanlı kəndinə yollanıb. Lələtəpə uğrunda gedən döyuşlərdə fəallıq göstərib. Təbriz göstərdiyi şücaətlərə görə kiçik çavuş rütbəsi ilə qiymətləndirilib.Həsənov Təbriz 22 aprel Çəmənli kəndində gedən döyüşlərdə qəhrəmancasına şəhid olub.23 aprel 2016-cı il tarixində 110 saylı məktəbdə şəhidlə vida mərasimindən sonra Təbrizin cənazəsi Qaradağ rayonunun Şəhidlər xiyabanında dəfn olunub.

Allah bütün şəhidlərə rəhmət eləsin !!!

                                                                                          

Şəhid Yusif Ağayev

          Yusif Ağayev 1959-cu il 12 sentyabrda Şamaxı rayonunun Bağırlı kəndində anadan olub.

1991-ci ildə hərbi xidmətə yollanan və Azərbaycan Respublikasının ərazi bütövlüyünün müdafiəsi uğrunda bir sıra döyüşlərə qatılan Yusif Ağayev 1992-ci il 26 yanvarda şəhid olub.

         Yusif Ağayev Şamaxı rayonunun Bağırlı kəndində dəfn olunub.

Şəhid Abdullayev Cuma Abdulla oğlu

Şəhid Abdullayev Cuma Abdulla oğlu 1974-cü il 13 oktyabr  tarixində Balakən rayonunun İtitala kəndində anadan olub. Ailəmizdə altı bacı , dörd qardaş olmuşuq. Cuma ailəmizin sonbeşiyi olub. Orta məktəbi bitirdikdən sonra təhsilini Şəki şəhərində Kənd Təsərrüfatı Texnikomunda davam etdirib. 13 oktyabr 1992-ci il tarixində hərbi xidmətə yollanıb. Hərbi xidmətini Əlibayramlı indiki Şirvan şəhərində edib.  3 aydan sonra , 1993-cü ildə hərbi xidmətdə olan zaman Azərbaycan Respublikasının ərazi bütövlüyünün müdafiəsi üçün Şirvan şəhərindən  Ağdam rayonuna gemişdir.  25 yanvar 1993-cü ildə  Ağdam rayonunun  Fərrux yüksəkliyi uğurunda  gedən döyüşlərdə şəhid olub.

Allah bütün şəhidlərə rəhmt eləsin !

İnformasiya şəhidin bacısı Abdullayeva Cümliyyət Abdulla qızı tərəfindən göndərilib.

20 yanvar 1990- 2019

Qanlı yanvar tarixindən 29 il keçir
Müstəqillik qanlar bahasına olur. Tarixən müstəqil olan dövlətlər çoxlu qəhrəmanlar qurban verərək müstəqil olublar. Uğurunda neçə-neçə insanlar ölüb. Bizim müstəqilliyimiz də neçə-neçə şəhidlər hesabına başa gəlib.  Şəhidlər bizim qürurumuzdur. Onlar  bizim urəyimizdədir. Ruhları şad olsun...

                                                                    

Balakən rayonu Nizami adına şəhər 1 saylı tam orta məktəbin müəllimi Elvin Əliyev 

Allah bütün şəhidlərə rəhmət eləsin !

Şəhid Elçin Heybət oğlu Cavadov

İgid Ölər Adı Qalar !!!

Biz Hamımız Vətəni sevməliyik , qorumağı bacarmalıyıq. Şəhid Elçin Heybət oğlu Cavadov kimi ... Elçin 05.06.1957 ci ildə Lənkəran Şəhərində anadan olmuşdur . Lənkəran Şəhər 4 saylı orta məktəbi bitirdikdən sonra aşbazlıq təhsili alır .Bitirdikdən sonra hərbi xidmətə yollanır . 1982 ci-ildən Lənkəranda ictimai - iaşə obyektində aşbaz olaraq çalışır. Torpaqlarımızda müharibə getdiyi vaxtda 1992 ci - ildə Ailəsinə xəbər vermədən iki körpə övladlarını qoyaraq cəbhə xəttinə yollanır . Ailə düz 2 ay axtarır və xəbər tutur ki, Ağdərədə cəbhə xəttində döyüşlərə qatılıb . Cavadov Elçın Lənkəran alayının cəbhə xəttində döyüşən hissəsinin aşbazi kimi köməyini əsirgəmirdi . Ailə və Körpə ovladlarını ataraq torpaq uğrunda , Vətən uğrunda Şəhid olmuşdur . Qələbə ilə dönən əsgərlərimizi təbəssümlə qarşılayırdı . Günlərin bir günü əlinə silah alıb döyüşün ən qızğın nöqtəsinə yollandı . 01.09.1992 ci - ildə Ağdərə rayonu , Mehmana kəndinin azad olunması uğrunda növbəti hücumda namərd düşmən gülləsi Elçini döyüşçü dostlarından ayırır .

Ailəsinin xahişi ilə anasının uyuduğu Lənkəran Şəhər Kiçik Bazar qəbirstanlığında dəfn olunur .
Dərin hüzn və ehtiramla yad edirik !!! Allah rəhmət eləsin !!!

İnformasiya şəhidin övladı Cavad Elçin oğlu Cavadov tərəfindən göndərilib.