04.10.2020

 4 OKTYABR 2020 16:08

Yaşayış məntəqələrimiz yenidən atəşə tutulur

Hazırda düşmən tərəfindən Ağcabədi rayonunun Sarıcalı, Ağdam rayonunun Baharlı, Çiraqlı, Üçoğlan və Bərdə rayonunun Şahvəllər yaşayış məntəqələri intensiv artilleriya atəşinə tutulur, yaralanan var.düşmən tərəfindən Ağcabədi rayonunun Sarıcalı, Ağdam rayonunun Baharlı, Çıraqlı, Üçoğlan və Bərdə rayonunun Şahvəllər yaşayış məntəqələri intensiv artilleriya atəşinə tutulur, yaralanan var.

Mənbə: https://mod.gov.az/az/news/yasayis-menteqelerimiz-yeniden-atese-tutulur-32624.html

03.10.2020 Tərtər,Cəbrayıl və Füzuli rayonunun kəndləri azad edildi

 Azərbaycan Prezidenti İlham Əliyevin rəsmi "Twitter" səhifəsində paylaşım edilib.

Bu gün #Azərbaycan #Ordusu Tərtər rayon Talış kəndini, Cəbrayıl rayon Mehdili, Çaxırlı, Aşağı Maralyan, Şəybəy və Quycaq kəndlərini, Füzuli rayonu Aşağı Əbdürrəhmanlı kəndini azad etmişdir.

03.10.2020 Madagiz azad edildi.

 

3 oktyabr 2020

 Bu gün ərzində Azərbaycan Ordusu müəyyən olunmuş istiqamətlərdə irəliləyərək yeni dayaq məntəqələrini azad etməklə ərazini düşmən qüvvələrdən təmizləyib.

Döyüşlərdə düşmənin xeyli sayda canlı qüvvəsi,  hərbi və digər döyüş texnikası məhv edilib.

Sentyabrın 27-dən oktyabrın 2-si saat 20.00-dək düşmənin ümumi itkiləri aşağıdakı kimidir:
  -    230-dək tank və digər zirehli texnika;

  -    250 ədəd artilleriya, yaylım atəşli raket sistemləri, minaatan;

  -    38 ədəd hava hücumundan müdafiə vasitələri;

  -    10 komanda-idarəetmə və komanda-müşahidə məntəqəsi;

  -    7 silah-sursat anbarı;

  -    130-dan artıq avtomobil texnikası;

  -    1 ədəd “S-300” zenit-raket kompleksi.

Mənbə: https://mod.gov.az/az/news/dusmenin-mehv-edilen-doyus-texnikasinin-siyahisi-32554.html

27 Sentyabr 2020 Müdafiə Naziri: “7 kənd işğaldan azad olunub”

 "Əks-hücum nəticəsində düşmənin ön xətti yarılıb, 7 kənd işğaldan azad olunub".

Bunu Azərbaycanın Müdafiə naziri, general-polkovnik Zakir Həsənov sentyabrın 27-də Təhlükəsizlik Şurasının iclasında deyib:

"Əməliyyat şəraitini nəzərə alaraq ilk növbədə sizə məruzə olunmuşdur və əməliyyat şəraitini nəzərə alaraq Azərbaycan Ordusu əks-hücum əməliyyatı həyata keçirir. Digər istiqamətlərdə Azərbaycan Ordusu uğurlu hücum əməliyyatları həyata keçirir və düşmən o qədər də güclü görünmür və tam şəkildə geri çəkilir".

 Füzulinin Qaraxanbəyli, Qərvənd, Kənd Horadiz, Yuxarı Əbdürrəhmanlı kəndləri, Cəbrayıl rayonunun Böyük Mərcanlı və Nüzgar kəndləri azad edilib. Bundan əlavə Murovdağı silsiləsində yerləşən düşmən postları dağıdılaraq, yüksəkliklər geri alınıb.

27.09.2020 Ermənistan silahlı qüvvələri bütün cəbhə boyu genişmiqyaslı təxribat törədib

 

Mülki əhali və yaşayış məntəqələrimiz düşmən atəşinə məruz qalıb

Sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.
Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı  kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.
Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.
Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Azərbaycan Ordusunun bölmələri cəbhənin Tərtər-Ağdam, Füzuli-Cəbrayıl və Murovdağı istiqamətlərində Ermənistan qoşunlarının işğalı altında olan vacib yüksəkliklər uğrunda döyüşlər aparırlar.
Raket-artilleriya qoşunları və aviasiya vasitələri düşmənin komanda məntəqələrinə zərbələr endirir, manevr edən çoxlu sayda canlı qüvvəsini, döyüş texnikasını və hərbi obyektlərini məhv edirlər.
Bütün cəbhə boyu şiddətli döyüşlər gedir.

Cəbhənin Goranboy istiqamətində qoşunlarımızın keçirdiyi hərbi əməliyyat nəticəsində Murov dağı silsiləsindəki Murov zirvəsi azad olunub.
Əməliyyat nəticəsində Azərbaycanın işğal olunmuş ərazilərini Ermənistanla birləşdirən hərbi əhəmiyyətli Vardenis-Ağdərə avtomobil yolu vizual, eləcə də atıcı silahların və artilleriya vasitələrinin atəş nəzarətinə götürülüb. Əldə edilən hərbi üstünlük Ermənistandan əlavə hərbi yüklərin işğal altında olan Kəlbəcər və Ağdərə istiqamətindəki marşrutla daşınmasının qarşısını almağa imkan verir.
Döyüş əməliyyatları davam edir.

1 avqust 2014-cü il

 2014-cü ilin İyulun 31-dən avqustun 1-nə keçən gecə erməni kəşfiyyat-təxribat qrupları Azərbaycan Respublikasının Ağdam və Tərtər rayonları ərazisində qoşunların təmas xəttini keçməyə cəhd göstərmişdi. Həmin vaxt ordumuzun qəhrəman hərbçiləri düşmənin hücumunu layiqincə almağı bacarmışdı. 

Düşmənin hücumlarının qarşısını alarkən 3 gün ərzində ordumuz 13 şəhid vermişdi.

1.Həmin gecədə şəhid olan hərbçilərdən biri 1977-ci il təvəllüdlü, Qazax rayonundan hərbi xidmətə çağırılmış giziri Almazov İsə Ziyad oğlu idi.Böyük Cəfərli kəndinin sakini olan şəhid İsa Almazovun 4 azyaşlı övladı var.

2.Həmin gecənin daha bir qəhrəman şəhidi Tərtər rayonunda düşmən hücumunu dəf edərkən şəhid olan Tovuz rayon Aşağı Öysüzlü kənd sakini, 1995-ci il təvəllüdlü Poladov Vüqar Hidayət oğludur.Vüqar gecə saat 3-4 radələrində çiynindən və qolundan aldığı güllədən dünyasını dəyişərək şəhid olub.Onu da qeyd edək ki, Vüqar əsgərliyə könüllü şəkildə gedib.
3.Müddətdən artıq xidmət edən 1992-ci il təvəllüdlü Q. Əhmədov Ağdam rayonunun işğal olunmuş Saybalı kəndində anadan olub. 3 ay cəbhə bölgəsində olan Qaryağdı Əhmədov doğum günündə- avqustun 1-də düşmənin snayperdən açdığı atəş nəticəsində şəhid olub.

4. Cəbhə xəttində düşmənin hücumunu dəf edərkən şəhid olan 1995-ci il təvəllüdlü Abdinov Hüseyn Etibar oğlu Sumqayıt şəhər Şəhidlər Xiyabanında dəfn olunub.Qeyd edək ki, Sumqayıt şəhərindən hərbi xidmətə çağırılmış Hüseyn Abdinov cəbhə xəttində düşmənin hücumunu dəf edərkən ağır yaralanaraq hospitala yerləşdirilib. Həkimlərin səylərinə rəğmən onun həyatını xilas etmək mümkün olmayıb.

5. Avqustun 1-də qəhrəmanlıqla şəhid olan əsgərlərimizdən biri də Şirvan şəhərindən hərbi xidmətə çağırılmış, müddətdən artıq hərbi xidmət keçən Elvin Əsgərovdur.

6. Həmin gecə şəhid olan əsgərlərimizdən biri də 19 yaşlı Əli Fətulla oğlu Rəhimovdur. O Masallı rayonunun Köçəkli kəndində anadan olub. Şəhidimiz kənd qəbirstanlığında dəfn olunub.

7. 2014-cü ilin avqustun 1-də şəhid olan əsgərlərimizdən biri də Salyan rayonundan hərbi xidmətə çağırılmış Səftər Məmmədovdu

8. Xaçmaz rayonundan hərbi xidmətə çağırılmış Mustafa Əlicoşqunov da avqustun 1-də şəhid olub.

9.Ermənilərin atəşkəsi pozması nəticəsində şəhid olan əsgərlərimizdən biri də Quba rayonundandır. Rayonun Vladimirovka kənd sakini 1995-ci il təvəllüdlü İbrahimov Elnur Mühəddin oğlu erməni gülləsinə tuş gəlib.
10.Həmin gecə şəhid olan hərbçilərimizdən biri də gizir Əliyev Pərvin Səlahəddin oğludur.
34 yaşlı Pərvin Səlahəddin oğlu Əliyev doğulduqları Biləsuvar rayonunun Nərimankənd kəndində dəfn edilib. P.Əliyev ailəli olub, iki övladı var.

11. 27 yaşlı şəhid Rahil Əfsər oğlu Hüseynov Biləsuvar rayonunun Nərimankənd kəndində anadan olub. 2014-cü il iyul ayının 31-dən avqustun 1-nə keçən gecə düşmən hücumunu dəf edərkən qəhrəmancasına şəhid olmuşdur. Hüseynov Rahil Əfsər oğlu ölümündən sonra "Hərbi xidmətdə fərqlənməyə görə" 3-cü dərəcəli medalı ilə təltif edilib. Nişanlı idi.

12.Həmin gecə qəhrəmancasına şəhid olmuş Elçin Rasim oğlu Əhmədov doğulduğu Qax şəhərində dənf edilib. 25 yaşında şəhid olan Elçin Əhmədovun avqustun 15-də nişan mərasimi keçiriləcəkdi. Ancaq o şəhid oldu.

13.2014-cü ilin avqustun 1-də düşmən hücumunun qarşısını alarkən şəhid olan hərbçilərimizdən biri də müddətdən artıq həqiqi hərbi xidmət hərbi qulluqçusu, əsgər Quliyev Sərxan Qeyrət oğludur.

Allah bütün şəhidlərimizə rəhmət eləsin!!!