Torpağımız uğrunda döyüşən bütün Əsgər balalarımıza Allahdan güc, qüvvət, əzm və cəsarət, doğmalarına səbr və qələbəyə güclü inam arzu edirəm!
ŞƏHİDLƏR İSƏ ÖLMƏZDİR!
Biz Şəhid anasıyıq!
Biz Əsgər anasıyıq!
Mən Şəhid anasıyam...
Bağrım qandır, uzum ağ!
Mən balamdan doymamış
Ona sarıldı torpaq...
Üstünü bərk ört, payız,
Yorğan sər, yarpaq-yarpaq...
Bayrağına bürünüb,
Vətən qoynunda yatan
Üşüməz, arxayınam!
Balamın beşiyidir Şuşa,
Laçın, Qarabağ...
Andına, bayrağına,
Cəsarətinə heyran!
Qəlpə dəymiş gözünə
Gözlərim qurban, oğul!
Namərdin qarşısında
Əzəmətinə heyran,
Bükülməyən dizinə
Dizlərim qurban oğul!
Mən Şəhid anasıyam!
Duam çoxdur, sözüm az!
Balamın laylaları
Yerdən göylərə sığmaz!
Şəhidimdən yadigar
Vətən qoxan paltarı,
Gecə-gündüz qucaqlar,
Gecə-gündüz qoxlaram,
Ağlamaram, silməsin
İzlərin göz yaşları...
Ürəyindən vurulan
Qəlpə izinə qurban,
Sən düşmənlə üz-üzə
Döyüşmüş mərd oğulsan!
Vətən sağ olsun, balam!
Mən Şəhid anasıyam!
Oğlum qədər qürurlu,
Oğlum qədər qəhrəman!
Şəhid balam ölməzdir!
Ölməzkən mən də sağam!
Mən Əsgər anasıyam!
Yarama məlhəm -Zəfər,
Dərdimə dərman-Vətən!
Oğul şirin-şirin yat...
Sənə lay-lay deyirəm...
Lay-lay dedim yatasan,
"Qızıl gülə"batasan,
"Qızıl güllər" içində
Qələbəyə çatasan.........
Məlahət Kərimqızı
Şeri Facebook paylaşımında götürmüşəm .