Murad Nadir oğlu Babayev

 Şəhid Baş gizir Murad Nadir oğlu Babayev

1982-ci il martın 31-də Cəlilabad rayonunun Sabirabad kəndində anadan olub.

Ailəli idi Samir adlı oğlu Zəhra və Fatimə adlı qızları var idi.

Azərbaycan Ordusunun baş giziri olan Murad Babayev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində savaşıb. Murad Babayev sentyabrın 27-də şəhid olub. Cəlilabad rayonunda dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Murad Babayev ölümündən sonra "Vətən uğrunda" medalı ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Murad Babayev ölümündən sonra "Füzulinin azad olunmasına görə" medalı ilə təltif edildi.

Allah rəhmət eləsin!

Pərviz Həsən oğlu Məmmədli

 Şəhid Pərviz Həsən oğlu Məmmədli

"Övladım 2016 ci il aprel hadisələrində də şucaətlə döyuşmuş və snayperlə yuxarı bud hissəsindən vurulmuşdu. İki dəfə əməliyyat olunsa da agrilari cox idi buna baxmayaraq yenə də duşməndən qisas almağı söz vermişdi."

Bu sözləri 24 yaşlı Məmmədli Pərvizin anası Təranə Ələkbərova bildirib.

Məmmədli Pərviz Həsən oglu 30 mart 1996 cı ildə Neftcala rayonunda anadan olub. Neftcala şəhər 4 sayli məktəbə gedib. Uşaqliqdan boks və karate uzrə hazirliqlara qatılıb. Hərbiyə böyük həvəsi olub. 5-ci sinfi Neftcala rayon Humanitar təmayüllü məktəbdə, 6-8 ci sinfləri Baki şəhəri İdman liseyində boks uzre təhsil alib.

Məmmədli Pərviz 11 ci sinfi Neftcala rayonunda Humanitar təmayullu Mugan liseyində bitirb. Sənədlərini Azərbaycan Respublikasi H.Əliyev adina Ali Hərbi Məktəbinə təqdim edib. Amma daxil olmasa da ruhdan duşməyib.

2014-cü ildə hərbi xidmətə ordu siralarina cağrılıb. Hərbi xidməti Nasosnuda başlayan Məmmədli xidməti dövrundə ugurlar qazanib ve Rabitə böluyundə xidmət edib. Bir muddət sonra Qusar rayon N sayli hərbi hissədə xidmət edib. Xidməti dövrundə uğurlar qazanib ve daima ireli getməyə duşməndən can, qisas almağa calışıb.

"Hərbi xidmət dövrundə övladım Xususi təyinatlıların zabiti tərəfindən yüksək qiymətlənir və Məmmədlini XTQ-nin Yaşma hərbi hissəsinə götürürlər. Övladim burada 6 ay agır təlimlər kecərək öz arzusuna catır və o hərbi xidmətdə qulluq etməyə başlayir. Aprel döyuşlərində övladımın iş yoldaşları şəhid olmuşdu. Oğlum o acı ilə yaşayırdı. Şəhidlərin məzarı üstə söz verdi ki, qisasınızı yerde qoymayacam.

2020 ci il sentyabrin 27 də başlayan muharibədə övladım Məmmədli Pərviz Füzuli, Cəbrayıl, Hadrut, Zəngilan, Qubaglı və Laçın döyuşlərində şucaətlik göstərərək erməni dığalarının neçə - neçə postunu ələ kecirmiş və onları məhv etmişlər.

Övladım Pərviz 24 oktyabrda Lacın dəhlizində postu alarkən erməni şərəfsizləri tərəfindən snayperlə qıçından vurulur və qan itirərək şəhid olur.", deyə anası bildirib.

25 oktyabrda dəfn edilib.

Allah rəhmət eləsin.

Telman Ələkbərov İqdam oğlu

 Şəhid Telman Ələkbərov İqdam oğlu

Telman Ələkbərov 30 mart 1991-ci il tarixində Bakı şəhərində anadan olub.

Uşaqlıqdan hərbiyə böyük həvəsi olub. Hər zaman əsgər paltarı geyinib, əsgər marşı oxuyarmış.

2009-cu ilin aprel ayında müddətli həqiqi hərbi xidmətə yollanıb, 2010-cu ilin oktyabr ayında xidmətini başa vurub.

Bir müddət mühafizə xidmətində çalışdıqdan sonra Bədən Tərbiyəsi və İdman akademiyasında təhsil alıb. Təhsilini bitirdikdən sonra, gələcək həyatını orduya həsr etmək üçün Azərbaycan Silahlı Qüvvələrinin Təlim Tədris Mərkəzinə qəbul olub.

Zabit kursunu leytenant rütbəsi ilə bitirərək Ağdamda "N" saylı hərbi hissəyə motoatıcı taqım komandiri vəzifəsinə təyin olunub.

Elə oradaca baş leytenant rütbəsi alıb.

Telman Ələkbərov 27 sentyabr 2020-ci il tarixində Vətən müharibəsi başlayanda ilk gündən döyüşlərdə olub, lakin ailəsinə bu barədə deməyib. Yalnız dayılarına bildirib ki, anamdan muğayat olun.

Telman 07 oktyabr 2020-ci il tarixində Ağdam rayonu istiqamətində gedən döyüşlərdə qəhrəmancasına döyüşərək Şəhidlik zirvəsinə ucalıb.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Telman Ələkbərov ölümündən sonra "Vətən uğrunda" medalı ilə təltif edilib.

Allah rəhmət eləsin!

Nicat Adil oğlu Hüseynov

 Şəhid Nicat Adil oğlu Hüseynov

Nicat Hüseynov 30 mart 1987-ci ildə Hacıqabul rayonunun Meyniman kəndində dünyaya gəlmişdir.

Kənd məktəbində orta təhsil almışdır. 2020-ci ilin fevral ayında müddətdən artıq həqiqi hərbi xidmət üçün imtahan verərək Bakı şəhərində Sülhməramlı hərbi hissədə fəaliyyətə başlamışdır. Azərbaycan Respublikasının ərazi bütövlüyü uğrunda 27 sentyabr 2020-ci il tarixdən başlayan Vətən müharibəsinə qoşulmuş, Cəbrayıl, Füzuli rayonları istiqamətində gedən döyüşlərdə şücaət göstərmiş, bir neçə kəndin və yüksəkliyin alınmasında fəal iştirak etmişdir. Oktyabrın 21-də Qubadlı istiqamətində düşmən hücumunun qarşısını alarkən şəhid olmuşdur. Meyniman kənd məzarlığında  dəfn olunmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Nicat Hüseynov ölümündən sonra "Vətən uğrunda" medalı ilə təltif edildi.

Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Nicat Hüseynov ölümündən sonra "Cəbrayılın azad olunmasına görə" medalı ilə təltif edildi.

, Cəsur döyüşçü" medalı ilə təltif edilib.

Ailəli idi, 3 övladı var.

Allah rəhmət eləsin!

Elçin Əvəz oğlu Əzizov

 

Şəhid Baş leytenant Elçin Əvəz oğlu Əzizov

Elçin Əzizov 1985-ci il martın 30-da Cəbrayıl rayonunun Böyük Mərcanlı kəndində anadan olub.Ailəli idi. Üç övladı yadigar qaldı.

Elçin Əzizov Azərbaycan Prezidenti İlham Əliyevin 16 avqust 2018-ci il tarixli 417 nömrəli Sərəncamına əsasən "Hərbi xidmətlərə görə" medalı ilə təltif edildi.

Elçin Əzizov Azərbaycan Prezidenti İlham Əliyevin 16 avqust 2019-cu il tarixli 1386 nömrəli Sərəncamına əsasən "Vətən uğrunda" medalı ilə təltif edildi.

Azərbaycan Ordusunun Sərhəd Qoşunlarının baş leytenantı olan Elçin Əzizov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayılın azadlığı uğrunda gedən döyüşlərdə savaşıb. Elçin Əzizov oktyabrın 13-də Cəbrayıl döyüşləri zamanı şəhid olub. II Fəxri Xiyabanda dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Elçin Əzizov ölümündən sonra "Vətən uğrunda" medalı ilə təltif edildi.

Azərbaycanın ərazi bütövlüyünün bərpa edilməsi zamanı döyüş əməliyyatlarının rəhbəri olan, düşmənin canlı qüvvəsinin və döyüş texnikasının məhv edilməsində rəşadət göstərən, vəzifə borcunu ləqayətlə və vicdanla yerinə yetirdiyinə görə Azərbaycan Prezidenti İlham Əliyevin 15.12.2020-ci il tarixli Sərəncamına əsasən Elçin Əzizov ölümündən sonra 3-cü dərəcəli "Vətənə xidmətə görə" ordeni ilə təltif edildi.

Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.12.2020-ci il tarixli Sərəncamına əsasən Elçin Əzizov ölümündən sonra "Cəbrayılın azad olunmasına görə" medalı ilə təltif edildi.

Allah rəhmət eləsin.

İlqar Əhmədov Xəqani

 Şəhid İlqar Əhmədov Xəqani oğlu

Mart ayının 18-i 1999-cu ildə Kürdımir rayonunun İsmayıllı kəndində anadan olub. Şəhidimiz itkin düşüb. Nəşi noyabr ayınının 20-si tapılaraq uğrunda canını fəda etdiyi torpağa əmanət edilib.

Azərbaycan Respublikasının Prezidenti İlham Əliyevin Sərəncamı ilə “Vətən uğrunda” medalı ilə təltif olunub.

Allah rəhmət eləsin!

Elməddin Sübhi oğlu Əlizadə

 Şəhid Elməddin Sübhi oğlu Əlizadə

11 mart 1997-ci ildə Biləsuvar rayonunun Zəhmətabad kəndində anadan olmuşdur. Zəhmətabad kənd tam orta məktəbində təhsilini almışdır.

Elməddin Əlizadə 2016-cı ildə hərbi xidmətdə olarkən Aprel döyüşlərində düşmən hücumunun qarşısının alınmasında iştirak etmişdir. O, Azərbaycan Respublikasının ərazi bütövlüyü uğrunda 27 sentyabr 2020-ci il tarixdən başlayan Vətən müharibəsinə könüllü olaraq qoşulmuş, Füzuli və Xocavənd rayonları istiqamətində gedən döyüşlərdə vuruşmuşdur. 8 noyabrda Şuşa şəhəri uğrunda gedən döyüşdə düşmən hücumunun qarşısını alarkən qəhrəmancasına şəhid olmuşdur.

Şəhid Elməddin Əlizadə 9 noyabr 2020-ci il tarixində Biləsuvar rayonu Zəhmətabad kənd məzarıstanlığında dəfn olunmuşdur.

"Vətən uğrunda" medalı ilə təltif edildi.

"Xocavəndin azad olunmasına görə" medalı ilə təltif edildi.

Allah rəhmət eləsin!

Şindiyev Elməddin Həmid oğlu

 

Şəhid Şindiyev Elməddin Həmid oğlu

06.03.1995-ci ildə Balakən rayonunun Talalar kəndində anadan olmuşdur. Talalar kənd 2 saylı tam orta məktəbin məzunudur.

2013-2014-cü ildə Naxçıvan Muxtar Respublikasında həqiqi hərbi xidmətdə olmuşdur və daha sonra müddətdən artıq kəşfiyyatçı kimi fəaliyyət göstərmişdir.

 Evliliyindən 1 gün sonra, 27 sentyabr 2020-ci ildə torpaqlarımızın işğaldan azad olunması uğrunda başlanan II Qarabağ müharibəsində10.10.2020-ci ildə  Suqovuşan istiqamətində gedən döyüşlərdə böyük şücaət göstərərək şəhid olmuşdur.

Allah rəhmət eləsin!

Xəyal Aslanov

 Şəhid Gizir Xəyal Aslanov Qüdrət oğlu

05.03.1992- ci ildə Tərtərdə anadan olub. Əslən Ağdərə rayonundan idi. Xəyalın dayısı da 1992-ci il vətən uğrunda şəhid olub və məzarı 27 illik işğal altında olan Kəlbəcər ərazisində qalmışdı.

Şəhidimiz Xəyal həm də Aprel döyüşlərində döyüşüb. Azərbaycan torpaqlarının Ermənistan işğalından azad olunması uğrunda Vətən müharibəsi başlanan zaman döyüşlərdə qəhəmancasına döyüşür, igidliyi ilə fərqlənirdi. Hərbçi dostları tərəfindən cəsurluğuna görə“İkinci Mübariz" adlandırılırdı.

Arxa cəbhədə olan Xəyal neytral zonada yaralı dostlarının və komandirinin səsini eşidən zaman buna dözməyib və icazə alaraq onları orada qurtarmaq istədiyini bildirib. Dostlarını qurtarmağa çalışan Xəyalın yanına minamyot düşərək ayağına dəymiş və artilleriya damarını kəsmişdir. Ağır qan itkisi nəticəsində komandiri ilə əl-ələ şəhidlik zirvəsinə ucalmışdır.

Ailəli idi. İki övladı Vətənə əmanətdir.

“Vətən uğrunda”,  "Füzulinin azad olunmasına görə" medalları ilə təltif olunub.

Allah rəhmət eləsin!

Qismət Yolçu oğlu Qasımov

 Şəhid Qismət  Yolçu oğlu Qasımov

1993-cü il martın 5-də Göyçay rayonunun Məliккənd kəndində anadan olub.

Azərbaycan Ordusunun əsgəri olan Qismət Qasımov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində savaşıb. Qismət Qasımov oktyabrın 25-də şəhid olub. Göyçay rayonunda dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Qismət Qasımov ölümündən sonra "Vətən uğrunda" medalı ilə təltif edildi.

Allah rəhmət eləsin.

MÜSTƏCƏBOV ORXAN ƏLƏSGƏR

O,05.03.1993-cü ildə Qobustan rayonunun Bədəlli kəndində anadan olub,2016-cı ilin aprel ayında Azərbaycan-Ermənistan təmas xəttində baş verən "Aprel döyüşləri" zamanı qəhrəmancasına şəhid olmuşdur

Şəhid Orxan Müstəcəbov Qobustan rayonunun Yekəxana kəndində dəfn edilib.

Atayev Nicat Habil oğlu

Leytenant Atayev Nicat, Əslən Kəlbəcər rayonundandır. 1994-cü ildə Mingəçevir şəhərində anadan olub. Atası polis mayoru Habil Atayev 1-ci Qarabağ müharibəsi iştirakçısı olub..

Nicatın şücaətləri haqqında döyüş yoldaşları çox danışır..

Onun yolu düzəldən traktorçunu düşmən gülləsindən xilas etməsi, döyüşlərdə hər zaman  öndə getməsi, yaralı əsgərlərini çiynində daşıması fəxarətlə xatırlanır.

Qəhrəmanımız Nicat Atayev 27 sentyabr tarixində Vətən müharibəsinin Füzuli istiqamətində gedən döyüşlərdə minaya düşərək Şəhidlik zirvəsinə yüksəlmişdir.

 

Qocayev Asif Yolçu oğlu

 Şəhid əsgər Qocayev Asif Yolçu oğlu

1 mart 1991-ci  ildə Gəncə şəhərində anadan olan Qocayev Asif Yolçu oğlu Vətən müharibəsi başlanan zaman Səfərbərlik Xidməti tərəfindən könüllü olaraq müharibəyə gedib. Asif torpaqlarımızın işğaldan azad olunmasında igidlik göstərərək 07 noyabr 2020-ci ildə Şusa istiqamətində gedən döyüşlərdə qəhrəmancasına Şəhid olub.

Şəhidimiz ailəli idi. Xədicə və Məryəm adlı övladları Vətənə əmanətdir.

Asif Qocayev Vətən müharibəsində göstərdiyi şücaət və qəhrəmanlıqlara görə "Vətən uğrunda”, “Cəsur Döyüşçü” və “Şuşanın azad olunmasına görə” medalları ilə təltif edilib.

Allah rəhmət eləsin!