Elmar İbayev

 Vətən müharibəsi şəhidi, baş leytenant Elmar İbayev

Elmar Hikmət oğlu İbayev 1978-ci il yanvarın 29-da Lənkəran şəhərində anadan olub. 1984-1994-cü illərdə V. Əliyev adına 4 nömrəli tam orta məktəbdə təhsil alıb. 1994-1998-ci illərdə Azərbaycan Dövlət Neft Akademiyasında (ADNA) ali təhsil alıb.

Azərbaycan Ordusunun baş leytenantı olan Elmar İbayev 2020-ci il sentyabrın 27-də Azərbaycanın ərazi bütövlüyünün bərpa olunması üçün başlanan Vətən müharibəsidə iştirak edib və Füzulinin azadlığı uğrunda gedən ağır döyüşlərdə böyük şücaətlər göstərib. Qəhrəman baş leytenant Elmar İbayev oktyabrın 12-də Füzuli döyüşləri zamanı şəhid olub. Şəhidin nəşi Lənkərana gətirilib və orada böyük izdihamla torpağa tapşırılıb.

Prezident İlham Əliyevin imzaladığı Sərəncama əsasən, baş leytenant Elmar İbayev ölümündən sonra "Vətən uğrunda" və "İgidliyə görə" medalları ilə təltif edilib.

Allah rəhmət eləsin!

 

Orxan Zöhrab oğlu İsmayılov

 Şəhid Orxan Zöhrab oğlu İsmayılov

1989 - cu il 23 yanvarda Ucar rayonu Məlikballı kəndində doğulub.Bakı şəhəri Xətai rayonu Tahir Bağırov adına 59 nömrəli tam orta məktəbin tarix yazan məzunudur.Cəbhəyə könüllü olaraq yollanmışdır. 2 oktyabr 2020 - ci il Cəbrayıl uğrunda gedən döyüşlərdə qəhrəmancasına vuruşaraq Şəhidlik zirvəsinə ucalmışdır.

Orxan İsmayılovun nəşi oktyabrın 4-də ailəsinə təhvil verilib və həmin gün də Ucar rayonunun Məlikballı kənd qəbiristanlığında dəfn edilib. Qəhrəmanımız göstərdiyi şücaətə görə "Vətən ugrunda" və "Cəbrayılın azad olunmasına görə" medalları ilə təltif olunub.

Ailəli idi,Ayxan və Zöhrab adında iki oğlu yadigar qalmışdır.

Allah rəhmət eləsin.

Qafarov Saməddin Rasim oğlu

Şəhid Qafarov Saməddin Rasim oğlu

1994-ci il 23 yanvarda İsmayıllı rayon Qubaxəlilli kəndində doğulub.

 Hərbi məktəbi bitirib, sonra hərbi həkim işləməyə başlayıb.

Saməddin  Aprel döyüşlərində də iştirak edib. 27.09.2020 tarixində 200 dən artıq yaralı çıxardıb. Axırıncı yaralını çıxardanda yanına minamyot düşüb ayağından yaralanır, arterial damarını kəsib qan itirmədən şəhid olur. Şəhidimiz subay idi 26 yaşı vardı. 

Məkanın cənnət olsun qəbrin nurla dolsun.

Allah rəhmət eləsin.

Şükürov Anar

 Vətən Müharibəsi Qəhrəmanı  Şəhid Xüsusi Təyinatlı Qüvvələrin mənsubu Mayor Şükürov Anar.

Cənab Mayor 1977 ci il 20 yanvar tarixində Sumqayıt şəhərində anadan olub. Ehtiyatda olmasına baxmayaraq könüllü olaraq döyüşlərdə iştirak edir. 16 oktyabr tarixində Ağdərə istiqamətində gedən döyüşlərdə qəhrəmancasına Şəhid olur.  Yoldaşlarının Komandir əyil, əyil deməsinə Qəhrəmanımızın son sözü mən bu şərəfsizlərin qarşısında heç zaman əyilmərəm olub... 

Prezidentin sərəncamı ilə

"Vətən Müharibəsi Qəhrəmanı" fəxri adı

" Suqovuşanın azad edilməsi uğrunda" medalı

" Vətən uğrunda" medalı ilə təltif edilib.

Vəliyev Şəmsəddin Aqil oğlu

 

Şəhid Vəliyev Şəmsəddin Aqil oğlu

2001-ci il yanvarın 22-də Sabirabad rayonun Dadaşbəyli kəndində dünyaya gəlib. 

XTQ Gizir Şəmsəddin Vəliyev 2020-ci il oktyabrın 24-də 2-ci Vətən müharibəsində torpaqlarımızın azadlığı uğrunda gedən döyüşlərdə Xocavənd rayonun Tuğ kəndində Qəhrəmancasına Şəhid olub.

Azərbaycan Respublikası Prezidentinin Sərəncamı ilə ölümündən sonra "Vətən uğrunda"medalı, Şuşanın Alınmasına görə medalı və hərbi xidmətlərə görə medalı ilə təltif edilib.

Allah rəhmət eləsin!

20 Yanvar - Ümumxalq Hüzn Günü

20 Yanvar - qəhrəmanlıq və qürur günüdür.

#BlackJanuary

 #20january1990

Ziyadxan İbrahim oğlu Əliyev

 

Şəhid Ziyadxan İbrahim oğlu Əliyev

Ziyadxan Əliyev 1997-ci il yanvarın 12-də Kürdəmir rayonunun Carlı kəndində anadan olub.

Əslən Cəbrayıl rayonunun Soltanlı kəndindən idi. 2003-2012-ci illərdə Kürdəmir rayonunun Carlı kənd tam orta məktəbində, 2012-2014-cü illərdə isə Qubadlı rayonunun Fərcan kənd tam orta məktəbində təhsil alıb. 2014-2018-ci illərdə Azərbaycan Texniki Universitetində (ATU) “Kompüter mühəndisliyi” ixtisası üzrə ali təhsil alıb. Subay idi.

Ziyadxan Əliyev REAL Partiyasının üzvü idi.

Ziyadxan Əliyev 2019-cu ildən Azərbaycan Silahlı Qüvvələrinin sıralarında müddətli həqiqi hərbi xidmətdə idi.

Azərbaycan Ordusunun əsgəri olan Ziyadxan Əliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı hərbi hospitalda müalicə alırdı.[2] Həmin vaxt hərbi təcili tibbi yardım maşınında döyüş meydanından yaralı hərbçiləri daşımaq üçün əsgər lazım olub.Könüllü olaraq döyüş meydanına yollanan Ziyadxan Əliyev, yaralı hərbçiləri təxliyyə edən zaman 1 oktyabrda Tərtər rayonunun Talış yüksəkliyi istiqamətində gedən döyüşlərdə erməni tərəfinin snayper gülləsi ilə şəhid olub.Kürdəmirin Şəhidlər Xiyabanında dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Ziyadxan Əliyev ölümündən sonra "Vətən uğrunda" medalı ilə təltif edildi.

Azərbaycanın Suqovuşan qəsəbəsinin işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Ziyadxan Əliyev ölümündən sonra "Suqovuşanın azad olunmasına görə" medalı ilə təltif edildi.

Allah rəhmət eləsin!

Ülvi İlham oğlu Alışov

Şəhid çavuş Ülvi İlham oğlu Alışov

Ülvi Alışov 2000-ci il yanvarın 11-də Cəlilabad rayonunun Həziabad kəndində anadan olub.

Subay idi.

Azərbaycan Ordusunun çavuşu olan Ülvi Alışov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzulinin azadlığı uğrunda gedən döyüşlərdə savaşıb. Ülvi Alışov sentyabrın 29-da Füzuli döyüşləri zamanı şəhid olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Ülvi Alışov ölümündən sonra "Vətən uğrunda" medalı ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Ülvi Alışov ölümündən sonra "Füzulinin azad olunmasına görə" medalı ilə təltif edildi.

Allah rəhmət eləsin.

Əliyev Abbas Salam oğlu

Şəhid Əliyev Abbas Salam oğlu

09.01.1988-ci ildə Bakı şəhəri Ramana qəsəbəsində anadan olub. Təhsilini 90 saylı qəsəbə məktəbində bitirmiş və Hərbi Xidmətə çağırılmışdır. Hərbi xidmətdən qayıtdıqdan sonra özəl şirkətlərdə sürücü kimi işləmiş. Ara günlərdə isə taksi xidməti kimi fəaliyyət göstərmişdir. 2-ci Qarabağ müharibəsi başlayan zaman 09.10.2020-ci il müvəqqəti ehtiyatda olan hərbi qulluqçu kimi döyüşə çağırılmış və Füzuli, Qubadlı uğrunda gedən döyüşlərdə iştirak etmişdir. 02.11.2020-ci il də qəhrəmancasına şəhid olmuşdur.

Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarında iştirak etmiş və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirmiş Əliyev Abbas Salam oğlu Azərbaycan Respublikası Silahlı Qüvvələrinin “Vətən uğrunda” medalı ilə təltif olunmuşdur.

Vətən uğrunda döyüşmək Abbasın böyük arzusu olub və zamanı gəlincə də könüllü döyüşə gedib.

Bakıda böyüyüb boya-başa çatan, evin tək oğlu olan Abbas Əliyevin 8 yaşında İsmayıl adında oğlu yadigar qalıb.

Allah rəhmət eləsin.

Yusubov Elzar Süleyman oğlu

Şəhid Yusubov Elzar Süleyman oğlu.

09.01.1989-cu ildə anadan olmuşdur. Bakının Suraxanı rayonu Hövsan qəsəbəsi 76 saylı orta məktəbdə təhsil alıb. Orta təhsilini bitirdikdən sonra Azərbaycan Respublikası İdman Akademiyasında təhsilini davam etdirib. Ali təhsilini bitirdikdən sonra 5 il Daxili Qoşunların XVT  bölüyündə gizir kimi fəaliyyətə başlayıb. 01.01.2020-ci ildə Azərbaycan Respublikasının Quru Qoşunları sırasında Leytenant kimi xidmətə davam edib. 08.10.2020-ci ildə Füzuli istiqamətində gedən döyüşlərdə düşmənin onlarla canlı qüvvəsini və texnikasını məhv etmişdir. Döyüş meydanında yaralı əsgər yoldaşlarını xilas edən zaman ayağından güllə yarası almışdır. Yaralı olduğuna baxmayaraq döyüş meydanını tərk etməmiş və Qəhrəmancasına şəhid olmuşdur. 09.10.2020-ci ildə Bakının Hövsan qəsəbəsində torpağa tapşırılmışdır. 

Allah rəhmət etsin.

Şamil Novruz oğlu Hüseynli

 

Şəhid Şamil Novruz oğlu Hüseynli

8 yanvar 1993-cü ildə İmişli rayonunun Cəfərli kəndində dünyaya göz açmışdır.

2020-ci ilin iyul ayında başlayan Tovuz döyüşlərindən sonra iyul-sentyabr aylarında səfərbər olan Şamil Hüseynli sentyabr ayında çağırılmışdır.

Azərbaycan Ordusunun əsgəri olan Şamil Hüseynli 2020-ci il sentyabrın 27-dən Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində könüllü olaraq iştirak etmişdir. Cəbrayılın və Qubadlının azadlığı uğrunda gedən döyüşlərdə vuruşmuşdur. 3 noyabr 2020-ci ildə Qubadlı istiqamətində döyüş tapşırığının yerinə yetirilməsi zamanı şəhid olmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Şamil Hüseynli ölümündən sonra "Vətən uğrunda" medalı ilə təltif edildi.

Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.12.2020-ci il tarixli Sərəncamına əsasən Şamil Hüseynli ölümündən sonra "Cəbrayılın azad olunmasına görə" medalı ilə təltif edildi.

Azərbaycanın Qubadlı rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Şamil Hüseynli ölümündən sonra "Qubadlının azad olunmasına görə" medalı ilə təltif edildi.

Allah rəhmət eləsin.

Qalası Müslüm oğlu Kərimli

Şəhid Qalası Müslüm oğlu Kərimli

 2000-ci il yanvarın 8-də Hacıqabul rayonunun Muğan qəsəbəsində anadan olub.

 Subay idi.

Azərbaycan Ordusunun əsgəri olan Qalası Kərimli 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Şuşanın azadlığı uğrunda gedən döyüşlərdə savaşıb. Qalası Kərimli noyabrın 2-də Şuşa döyüşləri zamanı Daşaltı istiqamətində şəhid olub.

Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Qalası Kərimli "Cəsur döyüşçü" medalı ilə təltif edildi.

Onun nəşi uzun müddət tapıla bilməyib. Müdafiə Nazirliyi tərəfindən rəsmi olaraq itgin düşən hərbi qulluqçu hesab olunub. 2021-ci il aprelin 20-də nəşi tapılıb və Hacıqabul rayonunun Muğan qəsəbəsində dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 24.06.2021-ci il tarixli Sərəncamına əsasən Qalası Kərimli ölümündən sonra "Vətən uğrunda" medalı ilə təltif edildi.

Azərbaycan ərazilərinin işğaldan azad olunması zamanı döyüş tapşırıqlarını yerinə yerinə yetirən zaman mərdliyin və igidliyin göstərilməsinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Qalası Kərimli ölümündən sonra "İgidliyə görə" medalı ilə təltif edildi.

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 05.11.2021-ci il tarixli Sərəncamına əsasən Qalası Kərimli ölümündən sonra "Şuşanın azad olunmasına görə" medalı ilə təltif edildi.

Allah rəhmət eləsin.

Əlisa Arif oğlu Əliyev

Şəhid Əlisa Arif oğlu Əliyev

8 yanvar 2000-ci ildə  Masallı rayonunun Qızılağac kəndində anadan olub. 2006-2017-ci illərdə Qızılağac kənd 2 nömrəli tam orta məktəbində təhsil alıb. 2018-ci ildə həqiqi hərbi xidmətə yollanıb, «N» saylı hərbi hissədə həqiqi hərbi xidmətini uğurla başa vurub. Masallı şəhərində «Dostluq» MMC-də işləyirdi. 

27 sentyabr 2020-ci il tarixdə başlanan Vətən müharibəsində torpaqlarımızın işğaldan azad olunmasında igidlik göstərərək 7 noyabr 2020-ci il tarixdə Şuşa şəhəri uğrunda gedən qızğın döyüşlərdə qəhrəmancasına şəhid olub. Şəhid Əlisa Arif oğlu Əliyev Qızılağac kənd qəbiristanlığında izdihamla torpağa tapşırıldı.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti cənab İlham Əliyevin Sərəncamına əsasən Əlisa Arif oğlu Əliyev ölümündən sonra "Vətən uğrunda" və "Şuşanın azad olunmasına görə" medalları ilə təltif edilmişdir.

Subay idi.

Allah rəhmət eləsin!

Murad Mahmud oğlu Hüseynzadə

Şəhid Murad Mahmud oğlu Hüseynzadə

8 yanvar 1998-ci ildə Lənkəran rayonunun Şağlaser kəndində anadan olub. 2 qardaş və 1 bacı olmaqla ailədə 5 nəfər olublar. Uşaqlıq illərini doğulduğu kənddə keçirib. Orta təhsilini Lənkəran rayon A.Əsədullayev adına Şağlaser kənd ümumi orta məktəbində alıb. Təhsilini başa vurduqdan sonra, 2016-cı ildə Murad Lənkəran şəhər Hərbi komissarlığı tərəfindən həqiqi hərbi xidmətə çağırılıb və Naxçıvanda yerləşən "N" saylı hərbi hissəyə yola salınıb. Vətənə olan borcunu şərəflə yerinə yetirdikdən sonra, 2017-ci ildə yola ehtiyata buraxılıb. Ailəsinə kömək etmək məqsədilə Lənkəran Rayonlararası Narkoloji Xəstəxanasında işləməyə başlayıb.

27 sentyabr 2020-ci il tarixindən başlayan 44 günlük II Qarabağ müharibəsi zamanı Murad həmin ayın 28-də könüllü olaraq Lənkəran şəhər Hərbi komissarlığında qeydiyyatda keçir və müharibəyə yola düşür. 2016-cı ilin "Aprel döyüşləri"nin iştirakçısı olan Murad həmçinin bu döyüşdə də böyük şücaətlər göstərir. Bir çox yaşayış məntəqələrin və yüksəkliklərin düşmən tapdağı altından azad olunması uğrunda vuruşur, düşmənə sarsıdıcı zərbələr endirir və xeyli sayda canlı qüvvəsini məhv edir. Düşmənə sinə gərən Murad oktyabr ayının 21-də Qubadlının Muradxanlı kəndi istiqamətində gedən şiddətli döyüşlərdə ayağından yaralanır, buna baxmayaraq hospitala getməkdən imtina edir və döyüşə davam edir. Həmin ayın 31-də Laçın Koridoru istiqamətində gedən döyüşdə qəhrəmancasına şəhid olur. Nəşi neytral zonada qaldığından bir müddət çıxarmaq mümkün olmayır. Nəhayət nəşi həmin ayın 11-də döyüş zonasından çıxarılaraq doğulub, boya-başa çatdığı Şağlaser kəndinə gətirilir və kənd qəbiristanlığında böyük izdihamla torpağa tapşırılır. Muradın ən böyük arzusu Kərbəlayə getmək və orada şəhidlərimizi ziyarət etmək olur. Lakin o bu arzusuna nail ola bilmir. Amma onun şəkilləri arzuladığı ziyarətgahda divarlara vurulur. Prezident İlham Əliyev Azərbaycan Respublikası Silahlı Qüvvələrinin hərbi qulluqçularının medallarla təltif edilməsi haqqında imzaladığı Sərəncama əsasən, Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarında iştirak etmiş və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirmiş Azərbaycan Respublikası Silahlı Qüvvələrinin hərbi qulluqçusu, Lənkəran rayonunun Şağlaser kəndində anadan olan Murad Mahmud oğlu Hüseynzadə ölümündən sonra "Cəbrayılın azad olunmasına görə", "Qubadlının azad olunmasına görə" və "Vətən uğrunda"  medalları ilə təltif edilib. 

Allah rəhmət eləsin. Vətən sağ olsun!

                      

Babək Səmidli

Şəhid polkovnik Babək Səmidli

7 yanvar 1974-cü ildə Göyçay rayonunda anadan olub.

 1993-cü ildə Türkiyədə Quru qoşunları məktəbinə daxil olub.1997-ci ildə həmin məktəbi bitirib.

 Bir müddət Türkiyə Silahlı Qüvvələrində təcrübə keşmişdir. Bundan sonra Azərbaycan Silahlı Qüvvələrində xidmət etməyə başlamışdır. O, Aprel döyüşlərində və İkinci Qarabağ müharibəsində şücaəti ilə yaddaşlarda qalıb[ə

2000-2003-cü illərdə Ali Hərbi Məktəbdə Taqım və Bölük Komandiri kimi çalışıb.

Babək Səmidli, 2016-cı ilin 2-4 aprelində cəbhə boyu baş verən döyüşlər zamanı Talış kəndi uğrunda gedən şiddətli döyüşlərdə 1-ci Ordu Korpusunun Əməliyyat Bölmə Rəisi kimi iştirak etmiş və döyüşlərdə yaralanmışıdır.

2018-ci ildə "Hərbi xidmətlərə görə" medalı ilə təltif edilmişdir.

2018-ci ilin iyun ayında polkovnik-leytenant rütbəsinə yüksəlmişdir. Daha sonra polkovnik rütbəsini almışdır.

Babək Səmidli 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün təmin olunması üçün başlanan Vətən müharibəsi zamanı Birinci Ordu Korpusu Komandanının müavini olaraq döyüşlərdə yaxından iştirak etmişdir.Talış kəndinin və Suqovuşanın azad edilməsində müstəsna xidmətləri olmuşdur. Sentyabrın 27-dən oktyabrın 4-nə qədər davam edən Suqovuşanın azadlığı uğrunda döyüşlərin rəhbəri olub. Onun rəhbərliyi altında Azərbaycan Silahlı Qüvvələrinin bölmələri Suqovuşanı işğaldan azad elədi.

Babək Səmidli atəşkəs razılaşmasından sonra  23 noyabr tarixində Suqovuşan istiqamətində minaya düşərək şəhid olmuşdur. O, Qırmızı xaç, rus sülhməramlıları və erməni rəsmilərindən ibarət qrupun üzvü idi. Qrupun məqsədi döyüş meydanında qalmış döyüşçülərin meyidlərini toplamaq və itkin döyüşçüləri müyyən etmək idi. Babək Səmidlinin vəfat etdiyi hadisədə həmçinin, 4 erməni və 1 rus sülhməramlısı da yaralanmışdır.

 Babək Səmidli anadan olduğu Göyçay Şəhərinin Şəhidlər Xiyabanında dəfn edilib.

 Azərbaycan Prezidenti İlham Əliyevin 09.12.2020-ci il tarixli Sərəncamına əsasən Babək Səmidli ölümündən sonra "Zəfər" ordeni ilə təltif edildi.

 Azərbaycan Prezidenti İlham Əliyevin 15.12.2020-ci il tarixli Sərəncamına əsasən Babək Səmidli ölümündən sonra "Vətən uğrunda" medalı ilə təltif edildi.

Allah rəhmət eləsin.

Səfərov Tamerlan Cavad oğlu

Şəhid Səfərov Tamerlan Cavad oğlu

06.01.2001-ci ildə Quba rayonu Səbətlər kəndində anadan olan Səfərov Tamerlan Cavad oğlu Vətən müharibəsində torpaqlarımızın işğaldan azad olunmasında igidlik göstərərək Talış-Ağdərə istiqamətində gedən döyüşlərdə qəhrəmancasına Şəhid olub.

MAHHXHQ Səfərov Tamerlan Cavad oğlu Vətən müharibəsində göstərdiyi şücaət və qəhrəmanlıqlara görə “Vətən uğrunda” medalı ilə təltif olunub.

Allah rəhmət eləsin.

Rufan Elzabit oğlu Əkbərli

Şəhid kiçik gizir Rufan Elzabit oğlu Əkbərli

Rufan Əkbərli 1998-ci il yanvarın 6-da Şəmkir rayonunun Çaparlı kəndində anadan olub.

 2005–2015-ci illərdə Ə. Həsənov adına Keçili kənd tam orta məktəbində təhsil alıb. 

Subay idi.

Rufan Əkbərli 2016–2017-ci illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub.

Azərbaycan Silahlı Qüvvələrinin əsgəri olan Rufan Əkbərli 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Füzulinin azadlığı uğrunda gedən döyüşlərdə könüllü olaraq savaşıb. Rufan Əkbərli oktyabrın 27-də Füzuli döyüşləri zamanı şəhid olub. Şəmkir rayonunun Keçili kəndində dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Rufan Əkbərli ölümündən sonra "Vətən uğrunda" medalı ilə təltif edildi.

Azərbaycan ərazilərinin işğaldan azad olunması zamanı döyüş tapşırıqlarını yerinə yetirən zaman cəsarət və fədakarlıq göstərdiyinə, habelə təşəbbüskar və qətiyyətli addımlar nümayiş etdiyinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Rufan Əkbərli ölümündən sonra "Döyüşdə fərqlənməyə görə" medalı ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Rufan Əkbərli ölümündən sonra "Füzulinin azad olunmasına görə" medalı ilə təltif edildi.

Allah rəhmət eləsin!

Şamil Nazim oğlu Bababəy

 

Şəhid baş leytenant Şamil Nazim oğlu Bababəy

 1994-ci il yanvarın 4-də Ordubad rayonunun Çənnəb kəndində anadan olub. 

Ailəli idi.

Çənnəb kənd tam orta məktəbini 6-cı sinifə qədər oxuyub. 7-ci sinifə qədər Biləv kənd tam orta məktəbində oxuyub.8-ci sinifə qədər Ordubad rayonunda Uşaq Evində oxuyub.8-ci sinifi bitirdikdən sonra, həmin məktəbin tərkibindən Heydər Əliyev adına Hərbi Liseyə daxil olmuşdur.3 il həmin liseydə oxumuşdur.2012-2016-cü illərdə Cəmşid Naxçıvanski adına Hərbi məktəbə daxil olur.4 il oxuduqdan sonra leytenant rütbəsinə layiq görülür. Rütbəsini aldıqdan sonra 1 il praktika keçərək biliklərini təkminləşdirib.2016-2020-ci illərdə vətənə xidmət edib. Özünün tərbiyəsi və nizam-intizamı ilə çox keçmədən baş leytenant rütbəsinə layiq görülmüşdür.

Şamil Bababəy N saylı Hərbi hissədə tankçı vəzifəsində xidmət etmişdir.

Aprel döyüşlərində iştirakı Redaktə

2016-cı ilin 2-5 aprelində baş verən Aprel döyüşlərinin iştirakçısı olmuşdur.

İkinci Qarabağ müharibəsində iştirakı Redaktə

Azərbaycan Ordusunun baş leytenantı olan Şamil Bababəy 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Suqovuşan və Ağdərə istiqamətində gedən döyüşlərdə iştirak etmişdir. Şamil Bababəy 7 oktyabrda Ağdərənin azadlığl uğrunda gedən döyüşlərdə şəhid olmuşdur.

İkinci fəxri xiyabanda dəfn olunub.

Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Azərbaycan Prezidenti İlham Əliyevin 09.12.2020-ci il tarixli Sərəncamına əsasən Şamil Bababəy "Vətən Uğrunda" və "lll dərəcəli" ordeni ilə təltif edildi.

Allah rəhmət eləsin

Mikayıl Vidadi oğlu Mikayılzadə

Şəhid kiçik çavuş Mikayıl Vidadi oğlu Mikayılzadə 

1992-ci il yanvarın 4-də Beyləqan rayonunun Şərq qəsəbəsində anadan olub. 

Ailəli idi. Bir oğlu yadigar qaldı.

Azərbaycanın Daxili İşlər Nazirliyinin Daxili Qoşunlarının kiçik çavuşu olan Mikayıl Mikayılzadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayılın, Füzulinin və Şuşanın azadlığı uğrunda gedən döyüşlərdə savaşıb. Mikayıl Mikayılzadə noyabrın 7-də Şuşa döyüşləri zamanı şəhid olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Mikayıl Mikayılzadə ölümündən sonra "Vətən uğrunda" medalı ilə təltif edildi.

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Mikayıl Mikayılzadə ölümündən sonra "Şuşanın azad olunmasına görə" medalı ilə təltif edildi.

Allah rəhmət eləsin.

İsrafilov Anar İsrafil oğlu

 

Şəhidv İsrafilov Anar İsrafil oğlu

04.01.1990-cı ildə Ağdaş rayonunda anadan olub. Vətən müharibəsi başlayan zaman könüllü olaraq döyüşlərə qatılan Anar Vətən müharibəsində igidlik və mərdlik göstərərək 25.10.2020-ci ildə Füzuli istiqamətində gedən döyüşlərdə qəhrəmancasına şəhid olub.

Anar İsrafilov Vətən müharibəsində göstərdiyi şücaət və qəhrəmanlıqlara görə “Füzulinin azad olunmasına görə” medalı ilə təltif edilib.

Allah rəhmət eləsin.

Qorçuyev Anar Nadir oğlu

Şəhid baş leytenant Qorçuyev Anar Nadir oğlu

Əslən Qubadlı rayonunun Çardaxlı kəndindən olan Qorçuyev Anar Nadir oğlu 1987-ci il yanvar ayının 4-də Sumqayıt şəhərində anadan olmuşdur. 1994-cü ildə Sumqayıt şəhər 9 nömrəli tam orta məktətbin 1-ci sinfinə getmiş, 2005-ci ildə isə həmin məktəbin məzunu olmuşdur. Məktəbi bitirdiyi il Azərbaycan Universitetinə qəbul olmuş, 2009-cu ildə bitirmişdir. 2009-2010-cu illərdə həqiqi hərbi xidmətdə olmuşdur. Hərbi xidmətdən qayıtdıqdan sonra müxtəlif sahələrdə çalışan Anar hər bir kollektivin hörmət və rəğbətini qazanmışdır.

2017-ci ildə hərbi sahəyə olan marağı onu Hərbi Polisə gətirib çıxarmışdır. Daha sonra 2020-ci ilin iyun ayında Ali hərbi məktəbə qəbul olan və Vətən müharibəsi başlananda könüllü olaraq ordumuzun sıralarına qatılan Anar Qorçuyev öncə xidmətdə olduğu döyüş bölgəsində yeni gətirilən gənc əsgərlərin təlimi, döyüş hazırlığı ilə məşğul olur. 

Xidməti zamanı irəlidə döyüş getdiyindən gənc əsgərlərə də ehtiyac duyulur və onların da aktiv döyüş istiqamətinə aparılma vəziyyəti yaranır. Leytenant Anar Qorçuyev qərara alır ki, öz bölüyü ilə döyüşə girsin. Hərbi hissədə ona bildirilir ki, sən getmə, sən gənc əsgərlərin təlimində lazımsan, özün də gənc, yeni gəlmiş zabitsən. Ancaq Anar Qorçuyevin israrlı təkid və xahişindən sonra ona döyüşə qatılmasına icazə verilir. Beləliklə, Anar Qorçuyev təlim keçdiyi əsgərlərlə Füzuli istiqamətində gedən döyüşlərə qatılır. 

Döyüşdə bir çox qəhrəmanlıq  göstərən Anar Qorçuyev oktyabrın 7-də həmin istiqamətdə şəhid olur. O, Sumqayıt şəhər “Şəhidlər xiabanı"nda dəfn olunur.

Azərbaycan Respublikası Prezidentinin 15 dekabr 2020-ci il tarixli Sərəncamı ilə leytenant Qorçuyev Anar Nadir oğlu  ölümündən sonra “Vətən uğrunda” medalı ilə təltif edilmişdir.

Ailəli idi. Özündən sonra geriyə 3 yaşlı bir qız övladı qaldi.

Anar istəyirdi ki, torpaqlarımız işğaldan azad olunsun, Qubadlıya bayraq sancsın və qızı böyüyəndə onunla fəxr etsin.

Bütün tanıyanların sevimlisi olan Anar xatirəmizdə əbədi yaşayacaq və daim fəxrimiz olanlardan biri olacaq! 

ALLAH RƏHMƏT ELƏSİN !

Teymur Sabir oğlu Qasımov

Şəhid XTQ mənsubu Teymur Sabir oğlu Qasımov

1992-ci ilin 4 yanvar günündə Mingəçevir şəhərində anadan olub.

Gizir Teymur Qasımov 2016-cı ilin aprel ayında Azərbaycan-Ermənistan təmas xəttində baş verən atışma zamanı qəhrəmancasına şəhid oldu.

Aprelin 9-u isə Teymur Qasımov doğulduğu Mingəçevir şəhərinin Şəhidlər Xiyabanında son mənzilə yola salındı. Dəfn mərasiminə minlərlə şəhər sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və gizir Qasımov uğrunda şəhid olduğu torpağa tapşırıldı.

Allah rəhmət eləsin.

Röyal Arzu oğlu Həsənov

Şəhid Röyal Arzu oğlu Həsənov 

1992-ci il yanvarın 2-də Gədəbəy rayonunun Çobankənd kəndində anadan olub.

Subay idi.

Azərbaycan Ordusunun əsgər olan Röyal Həsənov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Murovdağ istiqamətində gedən döyüşlərdə savaşıb. Röyal Həsənov oktyabrın 3-də Murovdağ döyüşləri zamanı şəhid olub. Gədəbəy rayonunda dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Röyal Həsənov ölümündən sonra "Vətən uğrunda" medalı ilə təltif edildi.

Azərbaycan ərazilərinin işğaldan azad olunması zamanı döyüş tapşırıqlarını yerinə yerinə yetirən zaman mərdliyin və igidliyin göstərilməsinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Röyal Həsənov ölümündən sonra "İgidliyə görə" medalı ilə təltif edildi.

Azərbaycanın Kəlbəcər rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Röyal Həsənov ölümündən sonra "Kəlbəcərin azad olunmasına görə" medalı ilə təltif edildi.

Allah rəhmət eləsin.

Polad Həşimov

 Milli Qəhrəman Şəhid general-mayor Polad Həşimov

Ruhu şad olsun.Bizim Qəhrəman!!

Şəhadəti ilə bir xalqın, bir ölkənin taleyini dəyişən POLAD GENERAL!!

Cəfərzadə Tarif Qədim oğlu

 

18 yaşlı Şəhid Cəfərzadə Tarif Qədim oğlu

1 yanvar 2002-ci ildə Astara rayonu Pəlkəş kəndində anadan olub. Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində savaşıb. 03.11.2020-ci il tarixində Xocavənd rayonunda gedən döyüşdə alıdığı qəlpə yarası nəticəsində şəhid olmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Tarif Cəfərzadə ölümündən sonra "Vətən uğrunda" və "Xocavəndin azad olunmasına görə" medalı ilə təltif edilib.

Allah rəhmət eləsin.

Şamxal Əvəz oğlu Əlizadə

 

Şəhid Şamxal Əvəz oğlu Əlizadə

1 yanvar 1998-ci ildə Gədəbəy rayonunun Çobankənd kəndində anadan olmuşdur. 2004-2015-ci illərdə orta təhsil almışdır. 2015-ci ildə Qazax Dövlət Sosial İqtisad Kollecinin mühasibat uçotu fakültəsinə qəbul olmuşdur. Kolleci bitirdikdən sonra Bakı Avrasiya Universitetinin İqtisadiyyat fakültəsində təhsil almışdır.

Şamxal Əlizadə 2016-2017-ci illərdə Azərbaycan Silahlı Qüvvələrinin sıralarında müddətli həqiqi hərbi xidmət qulluqçusu olmuşdur.

Azərbaycan Ordusunun əsgəri olan Şamxal Əlizadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Şuşanın azadlığı uğrunda gedən döyüşlərdə vuruşmuşdur. Şamxal Əlizadə 8 noyabr 2020-ci ildə Şuşa istiqamətində döyüş tapşırığının yerinə yetirilməsi zamanı şəhid olmuşdur. 1 ay 1 gün sonra tapılan nəşi 11 dekabr 2020-ci ildə Gədəbəy rayonunun Çobankənd kəndində torpağa tapşırılmışdır.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Murad Əliyev ölümündən sonra "Vətən uğrunda" medalı ilə təltif edildi.

Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Sahil Məmmədov ölümündən sonra "Cəsur döyüşçü" medalı ilə təltif edildi.

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Murad Əliyev ​ölümündən sonra "Şuşanın azad olunmasına görə" medalı ilə təltif edildi.

Allah rəhmət eləsin.

Nicat Qəşəm oğlu Nəsibov

Şəhid leytenant Nicat Qəşəm oğlu Nəsibov

1998-ci il yanvarın 1-də Qazax rayonunun Cəfərli kəndində anadan olub.

 2004-2012-ci illərdə M. Dilbazi adına Cəfərli kənd tam orta məktəbində, 2012-2015-ci illərdə isə Cəmşid Naxçıvanski adına Hərbi Liseydə təhsil alıb. 2015-2019-cu illərdə Heydər Əliyev adına Azərbaycan Ali Hərbi Məktəbində (AAHM) ali hərbi təhsil alıb. Subay idi.

Nicat Nəsibov 2019-cu ildən Azərbaycan Silahlı Qüvvələrinin "N" saylı hərbi hissəsində xidmət edirdi.

Azərbaycan Ordusunun leytenantı olan Nicat Nəsibov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Xocavənd rayonunun Hadrut qəsəbəsinin və Füzulinin azadlığı uğrunda gedən döyüşlərdə savaşıb. Nicat Nəsibov oktyabrın 12-də Füzuli döyüşləri zamanı şəhid olub. Noyabrın 1-də Qazax rayonunda dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Nicat Nəsibov ölümündən sonra "Vətən uğrunda" medalı ilə təltif edildi.[2]

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Nicat Nəsibov ölümündən sonra "Xocavəndin azad olunmasına görə" medalı ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Nicat Nəsibov ölümündən sonra "Füzulinin azad olunmasına görə" medalı ilə təltif edildi.

Allah rəhmət eləsin.

Şiralı Vüqar oğlu Səlimov

Şəhid Şiralı Vüqar oğlu Səlimov

2000-ci il yanvarın 1-də Kürdəmir rayonunun Sor Sor кəndində anadan olub.

Şiralı Səlimov 2018-2019-cu illərdə Azərbaycan Silahlı Qüvvələrinin Beyləqan rayonunda yerləşən "N" saylı hərbi hissəsində müddətli həqiqi hərbi xidmətdə olub.

Azərbaycan Ordusunun əsgəri olan Şiralı Səlimov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Şuşanın azadlığı uğrunda gedən döyüşlərdə savaşıb. Şiralı Səlimov noyabrın 6-da Şuşa döyüşləri zamanı şəhid olub. Kürdəmir rayonunda dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş qapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Şialı Səlimov ölümündən sonra "Vətən uğrunda" medalı ilə təltif edildi.

Allah rəhmət eləsin.

Əfəndi Cahangir oğlu Səfərov

 

Şəhid Əfəndi Cahangir oğlu  Səfərov

1 yanvar 1996-cı ildə Qax rayonunun Qaxbaş kəndində anadan olmuşdur.[2002-ci ildə Qax rayon Qaxbaş kənd 2 saylı tam orta məktəbdə orta təhsilə başlamışdır. 2007-ci ildən təhsilini Respublika Olimpiya İdman Liseyində davam etdirmişdir. Hərbi xidmət müddətini bitirdikdən sonra bir müddət mühafizəçi olmuşdur.

Əfəndi Səfərov 2014-2016-cı illərdə Azərbaycan Silahlı Qüvvələrinin sıralarında müddətli həqiqi hərbi xidmət qulluqçusu olmuş, Müdafiə Nazirliyinin Xocavənd rayonunda yerləşən “N” saylı hərbi hissəsində xidmət etmişdir.

Azərbaycan Ordusunun əsgəri olan Əfəndi Səfərov 2020-ci il sentyabrın 27-dən Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində könüllü olaraq iştirak etmişdir. Şuşanın azadlığı uğrunda gedən döyüşlərdə vuruşmuşdur. Əfəndi Səfərov 9 noyabr 2020-ci ildə Şuşa istiqamətində döyüş tapşırığını yerinə yetirərkən şəhid olmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Əfəndi Səfərov ölümündən sonra "Vətən uğrunda" medalı ilə təltif edildi.

Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Əfəndi Səfərov ölümündən sonra "Cəsur döyüşçü" medalı ilə təltif edildi.

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Əfəndi Səfərov ölümündən sonra "Şuşanın azad olunmasına görə" medalı ilə təltif edildi.

Allah rəhmət eləsin.

Əliyev Mehman Xudaşükür

 

18 yaşlı Şəhid Əliyev Mehman Xudaşükür oğlu

01.01.2002-ci ildə Neftçala rayonu, Xolqarabucaq kəndində anadan olub. Mehman Vətən müharibəsində igidlik və mərdlik göstərərək 27.10.2020-ci ildə Xocavənd istiqamətində gedən döyüşlərdə qəhrəmancasına Şəhid olub.

Subay idi.

O, Vətən müharibəsində göstərdiyi igidlik və qəhrəmanlıqlara görə “Vətən uğrunda” medalı ilə təltif edilib.

Allah rəhmət eləsin!