Komandir, atama deyin, oğlun kişi kimi şəhid oldu”.
Orxan Elxan oğlu Şirinov 14 sentyabr 1998-ci ildə İmişlidə, Bəhrəmtəpə qəsəbəsində anadan olub. Ailənin üçüncü uşağı və tək oğlu olaraq dünyaya gəlib.
2015-ci ildə Bəhrəmtəpə qəsəbəsi Şəhid Rəhim Alışov adına tam orta məktəbdə təhsil alıb və 2016-cı ildə hərbi xidmətə çağırılıb, xidmətini Naxçıvan Muxtar Respublikasının Sədərək rayonunda yerinə yetirib.
İkinci Qarabağ müharibəsi başladığı zaman Orxan üç ay idi ki, nişanlanmışdı. Ali Baş Komandanın qismən səfərbərlik elanından sonra ailənin tək oğul övladı olan Orxan 29 sentyabr tarixində Səfərbərlik Xidməti tərəfindən cəbhəyə yollanıb.
Orxan ilk olaraq Füzuli rayonu uğrunda döyüşə qatılıb. Məsuliyyətində olan pulemyot silahını qısa zamanda böyük diqqətlə istifadə etdiyi üçün “Pulemyotun canavarı”, “PK-Orxan” ləqəblərini qazanır.
21 oktyabrdan sonra ailəsi Orxandan nə bir zəng, nə bir xəbər alır.
Komandirinin sonradan dediyinə görə, həmin ərəfədə gecə saatlarında Qubadlı rayonu uğrunda amansız bir döyüş başlayır. Orxanın birliyində pulemyot silahının mərmilərini daşıyan əsgərimiz yara alır.
Komandirinin “Şirinov, silahının başına keç” əmri ilə Orxan silahının mərmilərini də özü daşıyaraq, döyüşür.
O döyüşdə Orxan sinəsindən aldığı yarayla şəhidlik zirvəsinə ucalır.
Komandiri də yaralanır, Orxanın son sözlərini də ailəsinə komandiri çatdırıb:
“Komandir, atama deyin, oğlun kişi kimi şəhid oldu”.
Hiç yorum yok:
Yorum Gönder