Xudiyev Tural Rəfayıl oğlu

Xudiyev Tural Rəfayıl oğlu.1998ci ildə Bakı şəhərində anadan olmuşdur. 2005-2016cı illərdə orta məktəbdə oxumuş, 2016cı ildə Azərbaycan Texniki Universitetinin "Nəqliyyat və logistika" fakültəsinə daxil oldu. 2018ci ildə universitetdən akademik məzuniyyət götürərək həqiqi hərbi xidmətə getmək istədiyin dedi. "Vətənə borcumu ödəməyə gedirəm" dedi. 2019cu ilin aprelində əsgərliyə getdi

XTQ-də( Xüsusi Təyinatlı Qüvvələr) xidmət edirdi. Əsgərlikdən gəlməyinə 4 gün qalmış müharibə başladı.ilk gündən ön cəbhədə idi.Füzuli,Cəbrayıl, Kəlbəcər,Ağdərə,Suqovuşan,Hadrut ,Xocavənd və Şuşanın azad olunmasında iştirak edənlərdən biri idi. Cəbrayılda önəmli yüksəkliklərdən birinə bayrağı da Tural sancıb. Əlindən 1 dəfə yara alıb.əli gipsdə olduğu halda döyüşə davam edib. Döyüşməklə yanaşı əsgər yoldaşlarının yaralarının sarınmasında,döyüş meydançasında çıxarılmasında da misilsiz xidmətləri olmuşdur. 8 noyabr Şuşa azad olunduqdan sonra anidən atılan minamyot  qəlpəsindən ağır yaralanır. 35-40 dəq sonra tibbi xidmətin səylərinə baxmayaraq daxili qanaxmanı dayamdırmaq olmur və şəhadət zirvəsinə yüksəlir.

Ölümündən sonra Rəşadət ordeni, Vətən uğrunda, Cəsur döyüşçü, Füzulinin azad olunmasına görə, Cəbrayılın azad olunmasına görə,Kəlbəcərin azad olunmasına görə, Xocavəndin azad olunmasına görə, Şuşanın azad olunmasına görə medalları ilə təltif olunmuşdur.