Şəhid MAHHXHQ Tağıyev Azər Kamil oğlu
1999-cu il dekabr ayının 20-si Şahtaxtı kəndində anadan olub. Azər 2018-ci ildə hərbi xidmətə çağırılıb və 2019-cu ildə xidməti başa vurub. Xidməti bitirdikdən sonra könüllü ərizə yazaraq yenidən ordu sıralarına daxil olaraq xüsusi təyinatlı qüvvələrin kəşfiyyatçı qumbaraatan vəzifəsində xidmətini davam etdirib. Vətən müharibəsi başlayan zaman Naxçıvandan yollanan dəstənin içində ön cəbhədə döyüşlərə qatılıb. Hadrut, Xankəndi istiqamətində döyüşlərdə iştirak edib. Şuşaya ilk ayaq basan igidlərimizdən olan Azər Şuşa uğrunda gedən əlbəyaxa döyüşlərdə iştirak edib və noyabr ayının 9-u minamyot mərmisinin partlayışı nəticəsində qəhrəmancasına şəhid olur. Noyabrın 13-u doğulduğu Şahtaxtı kəndində son mənzilə yola salınıb.
Şəhid Azər Tağıyev Vətən Müharibəsində göstərdiyi şücaət və qəhrəmanlıqlara görə “Azərbaycan Bayrağı” ordeni, “Şuşanın azad olunmasına görə” və "Vətən uğrunda” medalları ilə təltif edilib.
Allah rəhmət eləsin!
Hiç yorum yok:
Yorum Gönder